Edicioni i katërt i sivjetshëm i konkursit për projektet studentore për ndërtimin e një kampingu filloi që në muajin janar. Nga të gjitha propozimet e marra, komisioni ka zgjedhur projektin për fshatin Dushanci, afër qytetit të Pirdopit, na njofton platforma Camping.bg. Toka ka nje siperfaqe prej 10000 m2, ndodhet midis kodrave te pyllëzuara dhe përgjatë saj kalon shtrati i lumit Topollnica, i cili vjen nga rezervuarii afërt i Dushancit, dhe është gjithashtu afër rrugës kryesore në rëzë të maleve Ballkan.
Aty do të ndërtohet një vend kampingu për çadra, kampistë dhe karvanë, si dhe disa studio. Prona përbëhet nga një pishinë dhe dhjetëra pemë arre, pishe, bredhi dhe bliri. Autorët e projektit parashikojnë ndërtimin e një skene të vogël për shfaqje artistike pranë pishinës, një vatre të madhe për të ndezur zjarr në natyrë me frona përreth, si dhe të një ure druri mbi lumë, e cila të çon në një park aventure dhe një palestër në natyrë. Konkursi organizohet nga Camping.bg në partneritet me Universitetin e Pyjeve - Sofje.
Përgatiti në shqip: Kostandina Bello
Foto: camping.bg
Ofertat e pronave për pushime në Bullgari janë rritur me 30-40% në tre vitet e fundit. Aktualisht numri i tyre i kalon 20 mijë. Gjithnjë e më shumë klientë preferojnë të marrin me qira një apartament apo edhe një shtëpi të tërë gjatë pushimeve të..
Sofja raporton një rritje prej 7% të numrit të turistëve për gjysmën e parë të 2024. Rritja është 15% sipas bazës vjetore për vitin 2023, me trafik turistik madje mbi nivelet e para Covid-19. Këto të dhëna optimiste e kanë motivuar administratën e..
“Poezia në një shishe” - kështu e përcaktojnë njohësit varietetin emblematik të verës vendase “Mavrud”. Ajo karakterizohet me një ngjyrë të thellë rubin, si dhe nivele të larta të taninit dhe acideve. Në pijen legjendare bullgare mbizotërojnë..