“Bullgaria dhe Izraeli mund të bashkëpunojnë në fushën e sigurisë kibernetike, ku Izraeli është një lider global”, tha ministri në detyrë i inovacionit dhe rritjes Aleksandër Pulev, duke hapur një forum biznesi bullgaro-izraelit në Tel Aviv me përfaqësues të mbi 60 kompanive nga të dy vendet. Sipas tij, Bullgaria mund të bëhet një qendër rajonale nga pikëpamja e rrjedhës së informacionit digjital dhe të luajë një rol kyç në transmetimin e tij nga Azia. Aleksandër Pulev tha gjithashtu se në një takim me homologun e tij izraelit, Ofir Akunis, u shqyrtua nënshkrimi i një marrëveshjeje për bashkëpunim në fushën e inovacionit dhe teknologjive të larta, e cila do të mbështetë partneritetin e kompanive nga të dy vendet.