Situata me lirinë e medias në Bullgari po përkeqësohet. Gazetarët dhe mediat e pavarura që raportojnë mbi krimin e organizuar, korrupsionin ose të drejtat e pakicave përballen me kërcënime të vazhdueshme dhe shpesh kundër tyre ngrihen padi. Mediat e mëdha kontrollohen nga politikanët dhe oligarkët dhe autocensura po rritet. Këtë e thekson “Amnesty International” në raportin e saj për të drejtat e njeriut në mbarë botën në periudhën e viteve 2022/23. Ajo ka raportuar një praktikë të vazhdueshme diskriminuese ndaj azilkërkuesve nga vende si Afganistani, Algjeria, Bangladeshi, Maroku dhe Tunizia, të cilët kthehen automatikisht. Autoritetet bullgare nuk ndërmorën hapa për të zhvilluar një strategji kombëtare për të luftuar diskriminimin bazuar në orientimin seksual dhe vetë-dentifikimin gjinor, thekson gjithashtu raporti.