Menjëherë pas festës së madhe të krishterë të së Dielës së Dafinave, e cila përkujton pritjen e gëzueshme të Jezu Krishtit në Jerusalem, fillojnë ditët më të vështira të Kreshmës së Madhe. Kjo është java në të cilën ne kujtojmë ditët e fundit tokësore të jetës së Shpëtimtarit përpara se të kryqëzohej në kryq.
Që në mbrëmjen e së dielës, pas përkujtimit festiv të Hyrës së Zotit, Kisha Ortodokse përgatit besimtarët për Javën e Madhe me një shërbesë speciale, e ashtuquajtura “Ndjekja e Dhëndrit” e cila vazhdon tre mbrëmje me radhë dhe ka qëllim të na kujtojë fjalët e Jezu Krishtit, i cili paralajmëroi se dita e Zotit do të vijë papritur dhe besimtarët duhet të përgatiten për ta pritur atë. "Të jesh i zgjuar do të thotë të jesh i vetëdijshëm se jeta dhe përditshmëria jonë nuk është diçka e parëndësishme, por një fushë në të cilën luhet lufta më e madhe, ajo për çdo shpirt njerëzor," vëren At Boris Borisov nga tempulli “Shpërfytyrimi i Zotit” në kryeqytet":
“Në rastin tonë, lufta për shpirtin tonë mes së mirës dhe së keqes, është të përpiqemi vazhdimisht të jemi zemërgjerë, të ngrihemi mbi gjërat e vogla që na çojnë në të gjitha llojet e mëkateve, të përpiqemi t'i afrohemi Zotit. Ky është një nga mesazhet kryesore. Në leximin e Ungjillit, ne kujtojmë shëmbëlltyrën e dhjetë virgjëreshave - pesë të mençura dhe pesë budallaçka, që nuk kishin vajtë bekuar në llambat e tyre. Në greqisht, fjala për vaj të bekuar, ka akoma një kuptim - mëshirë. Natën ata kërkuan të blinin vaj për llambat, por më kot, sepse tashmë ishte vonë, sepse Dhëndri kishte ardhur.” (Në interpretimet e Kishës, Dhëndri është Jezu Krishti – shën. red.)
Në shëmbëlltyrë, virgjëreshat janë shpirtrat dhe vaji janë veprat e mira, dhe mesazhi për besimtarët është që të bëjnë vepra të mira çdo ditë në jetë, sepse në Ditën e Gjykimit do të jetë shumë vonë. Prandaj, gjatë ditëve të Javës së Madhe, besimtarët janë veçanërisht të kujdesshëm si në veprimet e tyre, ashtu edhe në mendimet e tyre dhe ushqimi i tyre është i pakët, pa vaj, ashtu si në fillim të agjërimit. Kështu, të pastruar fizikisht dhe shpirtërisht, ata përgatiten për rrëfim dhe Kungim.
Sakramenti i Eukaristisë u vendos nga Jezu Krishti mu para se të kapej: "Hani, ky është Trupi Im, i cili është thyer për ju për faljen e mëkateve!" – thotë ai dhe e bekon verën: "Kjo kupë është besëlidhja e re në gjakun tim, bëje këtë në përkujtimin tim”. Megjithatë, ne nuk duhet të kërkojmë simbolikë të pastër në këto fjalë të Shpëtimtarit:
"Krishti nuk ka thënë 'kjo bukë është simboli i trupit tim'" - vë në dukje At Boris dhe shpjegon: - Ai tha, ky është trupi im, sipas analogjisë se Jezu Krishti është një njeri i vërtetë dhe një Zoti i vërtetë në plotësi. Sipas ligjeve të logjikës, kjo është e pamundur, por kjo është pikërisht ajo që ne e predikojmë dhe e shohim në Ungjill. Në të njëjtën mënyrë, sakramenti i Eukaristisë është me të vërtetë jeta e kishës, zemra e jetës liturgjike të krishterë. Fakti që Krishti e bën këtë pak para vdekjes së tij në kryq tregon se kjo është me të vërtetë mënyra më e mençur me të cilën ai e ka bërë të mundur, në cilësinë tonë si qenie psikosomatike me shpirt dhe trup, të asimilojmë edhe vuajtjet e tij në kryq dhe vdekjen e tij, me të cilat ai shlyen mëkatet e të gjithë njerëzimit.”
Ky është edhe kuptimi i kungimit në fund të Javës së Madhe, duke pranuar një pjesë të trupit dhe gjakut të Shpëtimtarit, marrësit e kungimit të bëhen marrës të Zotit, nëpërmjet pritjes thjesht fizike të Eukaristisë. Kështu, besimtarët jo vetëm që komunikojnë shpirtërisht me Shpëtimtarin, por edhe bëhen pjesë e Tij trupërisht. Një moment tjetër i rëndësishëm i kësaj darke është shembulli i jashtëzakonshëm i përulësisë dhe përkushtimit që Krishti na tregon, duke larë këmbët e dishepujve të tij. Me këtë, Ai na tregon të gjithëve se si duhet t'u shërbejmë njerëzve të tjerë.
Përgatiti në shqip: Vesella Mançeva
Foto: Darina Grigorova
Në Ditën e të Gjithë Shenjtorëve, kur Kisha jonë Ortodokse përkujton Koncilin e 12 Apostujve dhe kujtimin e të gjithë martirëve dhe rrëfimtarëve të njohur dhe të panjohur të Krishtit, besimtarët në Bullgari u shpërblyen për besimin e tyre. Mezi ka më..
Thirrja e kishës është të mbledhë ata që janë ndarë, deklaroi patriarku i ri bullgar Daniil para liturgjisë së tij të parë të shenjtë. “Ka shumë detyra. Sot është një ditë e veçantë, në të cilën festohet kthimi i relikteve të Shën Ivan Rillskit..
Për herë të parë, dy nga vendet më misterioze arkeologjike në Rodopet Lindore janë studiuar në detaje nga ajri. Arkeologët bullgarë fotografuan kompleksin shkëmbor Harman Kaja pranë fshatit Bivoljane dhe kështjellën e lashtë Asara pranë Tatul me të..