Drejtori i Përgjithshëm i Radios Kombëtare Bullgare (BNR), Milen Mitev, u zgjodh anëtar i Komitetit të Radios të Bashkimit Evropian të Radio-Televizioneve (EBU) për një mandat dyvjeçar (2023 – 2025). Kjo ndodhi gjatë seancës së rregullt të Asamblesë së Radios të EBU në Athinë, më 27 dhe 28 prill.

EBU është shoqata më e madhe profesionale e transmetuesve publikë në botë, me 68 media publike nga Evropa dhe 30 anëtarë të asociuar nga Azia, Afrika dhe Amerika. Që nga 1 janari 1993, BNR dhe Televizioni Kombëtar Bullgar (BNT) janë anëtarë të plotë të sindikatës.

Kryetare e Komitetit të Radios u zgjodh Sybil Weil, Drejtore e Përgjithshme e Radio France. Përveç BNR-së, në mesin e anëtarëve të zgjedhur janë përfaqësues të mediave publike të Britanisë së Madhe, Zvicrës, Sllovenisë, Greqisë, Rumanisë, Lituanisë, Italisë, Kroacisë, Gjermanisë, Ukrainës, Republikës Çeke dhe Suedisë.