Nën titullin “Qeveria bullgare është nën hetim për zbatimin e sanksioneve kundër Rusisë” më 1 maj, versioni në gjuhën angleze i “Euractiv” citoi një deklaratë të prokurorit të përgjithshëm bullgar, Ivan Geshev, të bërë gjatë vizitës së tij në Ukrainë. Më 28 prill në Kiev, Geshev tha: “Qeveria bullgare po hetohet për mënyrën se si zbaton sanksionet e BE-së kundër Rusisë.

“Edhe Hungaria, e cila shpesh mbron pozicionet në favor të Rusisë, ka ngrirë asetet ruse me vlerë më shumë se 900 milionë euro. Në Bullgari, gati 300 000 rusë zotërojnë më shumë se 500 000 prona, sipas të dhënave të fundit të qeverisë nga viti 2019. Në Bullgari, Agjencia Kombëtare e të Ardhurave përgjigjet për vendosjen e sanksioneve, por nuk ka nxjerrë asnjë akt të vetëm për vendosjen e sanksioneve në 8 vitet e fundit”, shkruan “Euractiv”.