Koalicioni PP-DB ngre kandidaturën e akademikut Nikollaj Denkov për postin kryeministër. “Nuk kemi të drejtë të ndryshojmë votën e 620 mijë qytetarëve bullgarë. Jemi në kuadër të vendimit tonë – të mos e mbështesim mandatin e parë për formimin e qeverisë”, tha Kirill Petkov në një konferencë për shtypin. Ai theksoi se liderët në koalicion Hristo Ivanov, gjen. Atanas Atanasov dhe Vlladisllav Panev nuk janë në mesin e ministrave të propozuar, por Asen Vasilev është më i përgatituri për departamentin financiar. Koalicioni ngre 5 prioritete të qeverisjes - hyrjen e Bullgarisë në Shengen dhe në Eurozonë, luftën kundër inflacionit, zbatimin e të gjitha kushteve dhe masave të vonuara sipas Planit Kombëtar për Rimëkëmbjen dhe Qëndrueshmërinë dhe ndryshime në financimin e projekteve rajonale. Qeveria do të propozohet nëse nuk shpallet kabineti me mandatin e parë të GERB-it dhe do të ketë një horizont menaxhimi prej një viti e gjysmë.