“Në ditët në vijim do të hyjnë në fuqi ndryshimet ligjore të miratuara së fundi që krijojnë një mekanizëm për hetimin e Prokurorit të Përgjithshëm. Ne presim që ky hap vendimtar në ecurinë e reformës gjyqësore në Bullgari të ndryshojë qëndrimin e Holandës në lidhje me pranimi në Shengen”. Këtë e tha presidenti Rumen Radev, i cili sot në Moldavi bisedoi me kryeministrin e Holandës, Mark Rjute. Radev shprehu shpresën se me ndryshimet ligjore Bullgaria do të mund t’u përgjigjet shqetësimeve të Holandës dhe kujtoi se Komisioni Evropian dhe Parlamenti Evropian vazhdimisht kanë deklaruar gatishmërinë e Bullgarisë për anëtarësim në Shengen. Ai theksoi se të gjitha vendet anëtare të BE-së, përveç dy, përfshirë Holandën, mbështesin pranimin e vendit tonë në Shengen në tetor 2023.