Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Grupet alternative të rock-ut bullgar me një koncert në Londër

Foto: Facebook / Kerana Kosmos

Pas disa koncerteve të përbashkëta të suksesshme në vend, tre nga grupet alternative më interesante bullgare do të mbajnë një koncert të përbashkët sonte në “The100 Club” në Londër. “No More Many More”, “Cool Den” dhe “Kerana dhe Kozmonautët” dalin në skenë në klubin legjendar “The 100 Club” më 16 qershor në orën 19:00 për të takuar fansat e tyre në Britaninë e Madhe.

Bashkatdhetarët tanë që jetojnë në Londër do të kenë mundësinë të shijojnë simbiozën e suksesshme mes tre grupeve moderne të rock-ut bullgar që këndojnë në gjuhën e tyre amtare. Rreth 30 000 bashkatdhetarë që e duan muzikën bullgare jetojnë në Mekën e rock and roll-it.

Të lirë, të guximshëm dhe të palëkundur, të afërt në mesazhe dhe sugjerime, “Kerana dhe Kozmonautët”, “Cool Den” dhe “No More Many More” shprehin qartë pozicionin e tyre shoqëror dhe tekstet e tyre zbulojnë të vërteta të mëdha për jetën.

No More Many More

No More Many More, të cilët janë më me përvojë të kësaj tresheje, luajnë rock alternativ me elemente hip-hop dhe tekste sociale në të cilat nuk kanë frikë të shprehin qëndrimin dhe opinionin e tyre të fortë dhe aktiv qytetar. Aktualisht grupi është duke punuar për albumin e tyre të katërt, i cili pritet të jetë i gatshëm në vitin 2023.

Cool Den

Cool Den janë grupi më i ri i treshes. Në historinë e tyre të shkurtër, ata tashmë kanë dy albume të suksesshme. "Për mua, ka qenë gjithmonë e natyrshme që një temë sociale të drejtojë energjinë time krijuese," thotë Nikolla Simeonov, frontmeni dhe kitaristi i grupit.

Kerana dhe Kozmonautët

“Kerana dhe Kozmonautët” u bënë shpejt një nga grupet aktuale më të njohura dhe më të dashura të rock-ut bullgar me tekste në bullgarisht, të cilët vazhdojnë të krijojnë këngë të reja. Muzika e tyre arrin një audiencë gjithnjë e më të gjerë dhe padyshim pushton skenën e rock-ut bullgar. Dëshmi për këtë është kënga e tyre e re "Rrethi", e cila është në top 20-shen e BNR-së.

Përpiloi: Diljana Traçeva

Përgatiti në shqip: Vesella Mançeva

Foto: Facebook / Kerana Kosmos, Facebook /No More Many More, Facebook / Cool Den, Facebook / Kerana & kosmonavtite

Më shumë nga rubrika

"Njëqind vjet" dhe grupi në zë D2

Fillimi i mijëvjeçarit të ri u shënua me një vrull të ri në muzikën moderne bullgare. Ndër grupet ikonike të asaj kohe është D2 - me këngë që janë aktuale edhe më sot. Një prej tyre është "Njëqind vjet" nga albumi i grupit "2002". Një nga..

botuar më 24-02-12 8.15.PD

Kënga më e re e poetes dhe kompozitore Biljana Angellova

Biljana Angellova është një poete dhe kompozitore, gjë që e vendos atë në mesin e autorëve të paktë bashkëkohorë që shkruajnë tekste dhe muzikë këngësh për disa prej interpretuesve tanë më të njohur dhe më të dashur. E saja është muzika dhe teksti i..

botuar më 24-02-09 2.50.MD

"E qartë unë dhe ti" – vepra më e re e tandemit krijues Aleksandër Danev dhe Konstantin Hristov

Emri i grupit Two Hours Away vjen nga dy orë diferenca midis Sofjes dhe Londrës - qytetet ku miqtë Aleksandër Danev dhe Konstantin Hristov studionin vite më parë. Dëshira e tyre për të krijuar muzikë së bashku u rrit në formimin e një grupi me të..

botuar më 24-02-08 2.05.MD