Festa Enjovden (“Dita e Enjos”) festohet gjithmonë më 24 qershor, kur kisha nderon lindjen e Shën Gjon Pagëzorit. Tradita folklorike lidhet me ditën e solsticit të verës, kur dielli "shkëlqen" dhe "luan" gjatë lindjes së diellit dhe shkon drejt dimrit. Imazhi popullor sipas fesë së krishterë është i Shën Enjos që vesh pallton dhe shkon të sjellë dimrin, ndreq pallton, ose shkon për borë.

Sipas besimeve, në mesnatën e Vitit të Ri “hapet qielli”; yjet “zbresin në tokë”, magjepsin barërat dhe lulet dhe u japin fuqi magjike shëruese... Shfaqen qenie të mbinatyrshme – vampirët, dragonjtë dhe zanat. Vajzat dhe nuset takojnë lindjen e diellit dhe bëjnë parashikime sipas hijes së tyre për shëndet dhe jetë gjatë vitit, nestinarët në Stranxha vallëzojnë mbi zjarr, në vende të tjera ndizen zjarre rituale - një projeksion i zjarrit qiellor - Dielli.

• Dita e Enjos - një përrallë e bukur për fuqinë e mrekullueshme të bimëve 

• Barnat bullgare janë më shëruese Ditën e Enjos

Mesi i verës është një festë e shumëpritur në fshatin Dollni Bogrov të Sofjes. Aty gratë vishen me këmisha të bardha dhe shkojnë herët në mëngjes për të mbledhur barishte, të cilat janë shumë të larmishme në zonë. Për këtë traditë flet edhe artikulli nga koleksioni i Radio Bullgarisë:

• Në ditën e Enjos triumfon njeriu në harmoni me dritën dhe me natyrën

Këtë ditë festojnë ditën e emrit Enjo, Enço, Jana, Janka, Janko, Janço I përgëzojmë me këngën “Elin-Pelin” të interpretuar nga Anastasija Kostova – një interpretuese e njohur e këngëve popullore nga krahina folklorike e Dobruxhës. Repertori i Anastasija Kostovës përbëhet nga mbi 250 këngë popullore, shumica e të cilave ruhen në Fondin e Artë të BNR-së. "Elin-Pelin" është ndër më të njohurat.

Përgatiti në shqip: Vesella Mançeva