Tradita kineze mori jetë në kuadër të Festivalit të parë dyditor të Varkave të Dragoit në vendin tonë, i cili është pjesë e aktiviteteve të shumta në programin "Vera me kulturën kineze në Bullgari" (qershor-gusht).
Gara shumëngjyrëshe zgjoi interesin e entuziastëve - më shumë se 20 ekuipazhe me 10 ose 20 rremtarë matën forcat e tyre në garën e kanotazhit të sinkronizuar dhe shpejtësisë.
Veprimtaria sportive synon të popullarizojë këtë sport në vendin tonë, pasi në vitin 2025 Bullgaria do të jetë mikpritëse e Garës Botërore me Varkat e Dragoit të Klubeve. Ai do të mbahet në qytetin tonë Ruse pranë lumit Danub, ku pritet të mbërrijnë më shumë se 100 ekipe dhe afro 40000 entuziastë nga e gjithë bota.
Ata që nuk u përfshinë në garat sportive patën mundësinë të mësonin për lojërat tradicionale kineze, zanatet, veshjet dhe kuzhinën - demonstrimet ishin pjesë e programit të Festivalit të Varkave të Dragoit pranë Pançarevos.
"Shpresojmë që çdo ngjarje e kalendarit kulturor të kësaj vere të lërë një gjurmë unike në shkëmbimin kulturor midis Bullgarisë dhe Kinës, të bëjë që zemra e çdo pjesëmarrësi të rrahë në sinkron dhe të shkaktojë një reagim të pandërprerë," thonë organizatorët nga Ambasada e Republikës Popullore të Kinës në Bullgari dhe Qendra Kulturore Kineze në Sofje.
Lexoni më tepër:
Përpiloi: Elena Karkallanova
Përgatiti në shqip: Vesella Mançeva
Foto: BGNES dhe Elena Karkallanova
Muzeu i Minierave Nëntokësore është një nga muzetë më të pazakontë në Bullgari, një prej 100 objekteve turistike kombëtare dhe unik për Gadishullin Ballkanik. Ndodhet në dy nga galeritë e ruajtura të minierës së parë nëntokësore..
Mijëra laikë në mbarë vendin mirëpritën Ngjalljen e ndritur të Krishtit dhe morën pjesë në shërbesat festive. Kulmi i festimeve ishte shërbesa hyjnore e kryesuar nga Shenjtëria e Tij Patriku Bullgar Neofit në tempullin "Shën Aleksandër Nevski" në..
Java e Madhe filloi. Të krishterët ortodoksë në Bullgari po përgatiten ta mirëpresin Ngjalljen e ndritur të Krishtit. Përveç përgatitjeve të tjera, shumë qytete janë transformuar për festën, duke organizuar pazare arti dhe punëtori për të bërë..