Kreu i GERB-it, Bojko Borisov, dënoi kategorikisht agresionin e partisë "Vëzrazhdane" ndaj njerëzve që mendojnë në një mënyrë të ndryshme, provokimet e tyre dhe gjuhën e urrejtjes. Në parlament ai deklaroi: "Ne jemi kundër asaj që po ndodh në Varna, në Sofje, veçanërisht agresionit, rrahjeve. Ka mjaft tekste në Kodin Penal ku mund të dënohet huliganizmi dhe çdo manifestim i tillë".

Para gazetarëve ai shtoi se dëshiron të harrojë shpejt takimin e fundit të kryesisë me koalicionin bashkëqeverisës "Po e vazhdojmë ndryshimin - Bullgaria Demokratike". Sipas tij, ai ka krijuar vetëm një vijë tjetër ndarëse. Bojko Borisov mendon se mbledhjet e lidershipit janë të tilla kur aty nuk mblidhen 10-15 veta. "Aty nuk vendoset asgjë. Pasi fola mbrëmë mbeta shumë i befasuar. Për dy orë biseduam se si ta bëjmë qeverinë të funksionojë më mirë". Në takim duhej të saktësohej dokumenti për riafirmimin e mbështetjes për qeverinë.