Komisioni ligjor në Kuvendin Popullor hodhi poshtë propozimin për mbajtjen e një referendumi për ruajtjen e levës bullgare si monedhën e vetme zyrtare deri në vitin 2043. PP-DB dhe DPS votuan “kundër” referendumit, “Vëzrazhdane”, “BSP për Bullgarinë” dhe “Ka një popull të tillë” votuan “pro”, dhe GERB-SDS abstenuan. Edhe pse shumica e deputetëve në komision votuan “kundër” nismës së partisë “Vëzrazhdane”, dokumenti do të diskutohet në sallën plenare.

Një referendum i tillë do të lëkundë seriozisht përparimin e arritur nga Bullgaria për pranimin e saj në Eurozonë, theksoi guvernatori i Bankës Kombëtare Bullgare, Dimitar Radev. Javor Bozhankov nga PP-DB deklaroi se referendumi ishte jokushtetues. Kreu i “Vëzrazhdane” Kostadin Kostadinov tha se çështja i plotëson kërkesat e ligjit, duke kujtuar se janë mbledhur 470 mijë nënshkrime të vlefshme.