Në Kampionatin Ballkanik të Volejbollit për meshkujt nën 17 vjeç, që u zhvillua në Tiranë të Shqipërisë, në ndeshjen e finaleve ekipi bullgar mundi Turqinë me rezultatin 3:0 (26:24, 25:15, 25:15). Kështu ekipi i kryesuar nga seleksionuesja Desisllava Veliçkova regjistroi katër fitore në katër ndeshje – me humbjen vetëm të një seti në ndeshjen e parë kundër Rumanisë dhe me tri fitore të pastra kundër Malit të Zi, Serbisë dhe Turqisë. Ky është titulli i parë i ekipit në këtë përbërje.
Bullgaria mori gjithashtu tri nga titujt individual të Ballkaniadës. Kapiteni i ekipit bullgar Petjo Ivanov u zgjodh volejbollisti më i mirë i turneut. Veliçkov u bë diagonali №1, dhe Dimitër Dobrev u shpall më i miri në pozicionin libero.
Skuadra jonë nën 17 vjeç do të marrë pjesë në Kampionatin Evropian në Podgoricë të Malit të Zi, që fillon më 19 korrik.
Disa orë pas ndeshjes së fundit dhe pak para nisjes për në Bullgari, ekipi ynë i volejbollit, i drejtuar nga Desisllava Veliçkova, mori një ftesë për të vizituar Ambasadën e Bullgarisë në Tiranë. Volejbollistet u pritën jashtëzakonisht ngrohtësisht nga zoti Ivajllo Kirov, Ambasador i Jashtëzakonshëm dhe Fuqiplotë i Republikës së Bullgarisë në Republikën e Shqipërisë dhe nga i gjithë stafi tjetër i ambasadës sonë.
Stilijana Nikollova u bë kampione e Evropës në gjimnastikë ritmike pas një paraqitjeje të shkëlqyer në Kampionatin e Budapestit. Ajo luajti pa gabime kombinimet e saj me rreth, shkopinj, shirit dhe top. Ansambli i Bullgarisë mbrojti titullin..
Dara Malinova dhe Magdalena Vëllkova fituan medaljet e para për Bullgarinë në Kampionatin Evropian të Gjimnastikës Ritmike në Budapest. Malinova fitoi medaljen e argjendtë në shiritin te vajzat me 29.600 pikë. Medaljen e artë e fitoi rumunia Amalia..
Nga sot deri të dielën (26 maj) në bazën e hipizmit “Frigopan”, në fshatin Caracovo, afër Plovdivit, Bullgaria Jugore, po zhvillohet Kupa Botërore e Kërcimit të Pengesave, kualifikimi për Olimpiadën e Parisit, me një fond të përgjithshëm shpërblyes prej..