Zona “Ledenika” mbledh kërkuesit e arit nga i gjithë vendi për një Asamble Kombëtare. Organizator i aktivitetit është Shoqata Bullgare e Kërkuesve të Arit dhe Meteoritëve Vendas, e cila është e vetmja e këtij lloji në Gadishullin Ballkanik. Takimi do të mbahet më 15 korrik, duke ofruar demonstrime në dy disiplina - kërkimi i arit të lumit dhe kërkimi i objekteve të ndryshme me detektorë metalikë. Në konkurs mund të marrë pjesë kushdo që dëshiron, ndërsa për fituesit ofrohen çmime të ndryshme lëndore. Kjo është mbledhja e dytë e kërkuesve të arit për vitin 2023. E para u mbajt në qershor në Parvomai, ku u mblodhën më shumë se 250 kërkues të metalit të çmuar. Mbledhja e tretë e kërkuesve të arit është planifikuar për në shtator në Banjat Starozagore.

Sipas ligjit për burimet nëntokësore, në Bullgari lejohet "shfrytëzimi i arit nga shtretërit e lumenjve me anë të pastrimit manual", me përjashtim të parqeve natyrore, ku ndalohen shumë aktivitete të tjera. 

Përpilues: Darina Grigorova

Përgatiti në shqip: Kostandina Bello