4
Në qytetin e Tiranës u zhvillua aktiviteti “E ardhmja është në origjinë” me pjesëmarrjen e 9 pakicave kombëtare në territorin e Shqipërisë. Ky aktivitet u mbështet nga Komiteti për Pakicat Kombëtare në Republikën e Shqipërisë. Në të morën pjesë edhe përfaqësues të pakicës etnike bullgare në Shqipëri.
Elza Koja, nënkryetare e shoqatës “Prosperitet Golloborda”, theksoi se “Tradita e bërjes së bukës u soll përmes piteve të ndryshme të zbukuruara me figura lulesh dhe byrekëve të përgatitura me dashuri nga duart e arta të vajzave”. Nëpërmjet gatimeve dhe veshjeve të bukura tradicionale bullgare njerëzit arritën të prekin traditën bullgare. Ky ishte një prezantim shumë i bukur që na flet për dashurinë për jetën, rrënjët tona, trashëgiminë tonë kulturore dhe folklorike, e cila përcillet brez pas brezi.
Moment i rëndësishëm i aktivitetit ishin materialet e regjistruara në terren nga studiuesja Vesellka Tonçeva, e cila dërgoi këngët "Pastroi dhe shtroi Velja", interpretuar nga këngëtarja Rajmonda Tolya nga fshati Golemo Ostreni dhe "Nise vallen o Bojan", interpretuar nga Altin Koçi, Bujar Muça dhe Alfons Muça nga fshati Golemo Ostreni.
Në këtë event morën pjesë edhe znj. Konstantina Bezhani, kryetarja e Komitetit për Pakicat Kombëtare, znj. Milena Selimi, e zgjedhur si përfaqësuese e komunitetit bullgar në këtë institucion, zv. Ambasadori i Republikës së Bullgarisë në Tiranë, z. Asen Paçev dhe konsulli i kësaj përfaqësie z. Bllagoi Petrov, si dhe diplomatë dhe përfaqësues të tjerë të komunitetit.
Vajzat dhe djemtë me kostume, këngë dhe valle popullore bullgare tërhoqën vëmendjen e të gjithëve, duke treguar edhe një herë se komuniteti bullgar respekton rrënjët e tij dhe duke përcjellë një mesazh paqeje, tolerance dhe bashkëjetese me të gjitha pakicat e tjera kombëtare në Shqipëri.
Më tepër për veprimtarinë që zhvillohen në lidhje me bullgarët në Shqipëri mund të lexoni këtu:
Tetë tradita autentike bullgare dhe aftësi të përcjella brez pas brezi nga pjesë të ndryshme të vendit u bënë pjesë e Listës Përfaqësuese Kombëtare të Trashëgimisë Kulturore Jomateriale dhe kështu u bënë pjesë e "Thesareve të gjalla njerëzore" të..
Anabell Casaboff është një nga mijëra pasardhësit e bullgarëve në Argjentinë që nuk flasin gjuhën e gjyshërve të tyre, por Bullgaria është çdo ditë e pranishme në jetën e tyre. Ajo është një balerinë e mrekullueshme, kërcen dhe jep mësim baletin klasik, por..
Thonë se për të njohur një vend duhet jo vetëm ta shohësh me sy, por edhe ta shijosh. Çdo fshat bullgar, çdo qytet apo rajon ka frymën dhe aromën e vet specifike. Një nga mënyrat për t'i njohur janë rrugët gastronomike, të cilat po fitojnë popullaritet të..
Nata e Buzmit, e quajtur ndonjëherë edhe Vigjilja e Krishtlindjes, Krishtlindjet e Vogla, perceptohej si pjesë e një periudhe të errët, të tmerrshme, e..
Në ditët e sotme, si në të kaluarën, që nga mëngjesi i hershëm i Natës së Buzmit, familjet po merren me përgatitjet për darkën më të rëndësishme të..
Reshje shiu/dëbore
Reshje
Shi bore
Dëborë 