Federata Ruse dërgoi të ashtuquajturin Njoftim Publik për vendosjen e zonës së përkohshme paralajmëruese në Detin e Zi për shkak të stërvitjeve ushtarake, njofton Ministria e Mbrojtjes e Bullgarisë. Zona përfshin pjesë të zonës ekskluzive ekonomike të vendit tonë, saktëson ministria në sfondin e njoftimit të djeshëm të NATO-së se dënon sjelljen e rrezikshme të Rusisë në Detin e Zi.

Në mesazh thuhet gjithashtu se stërvitja do të zhvillohet larg ujërave tona territoriale dhe nuk ka arsye për shqetësim.

“Bullgaria dhe aleatët vazhdojnë aktivitetet e rregullta të mbikëqyrjes së zgjeruar në zonën e përgjegjësisë së NATO-së në përputhje me vendimet në kuadër të Aleancës”, shtoi Ministria e Mbrojtjes.

Përa gazetarëve zëvendës ministri i mbrojtjes Atanas Zaprjanov tha se sipas ligjit ndërkombëtar detar, rusët mund të kryejnë lundrim të lirë në zonë. “Problemi është se duke kryer një stërvitje atje, ata nuk e kanë të drejtën e operacioneve të embargos dhe të pengojnë lundrimin”, shpjegoi ai.

• “Zona ruse e paralajmërimit” prek zonën ujore bullgare në Detin e Zi