Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Bullgaria është shteti i parë në botë me një rrugë që mban emrin e një donatori

Foto: dokumentalisti.bg

Në Varna ndodhet rruga e parë në botë që mban emrin e një donatori i cili ka shpëtuar katër jetë njerëzish. Rruga na kujton dhuratën e fundit, jashtëzakonisht të çmuar që një person mund të bëjë në rrugëtimin e tij në Tokë.

Rruga quhet "Georgi Nikollov" dhe është në lagjen "Asparuhovo" të kryeqytetit tonë detar. Riemërtimi i një rruge me emrin e një donatori është një nismë e qytetarëve dhe krijuesve të projektit "Dhurata e fundit e njeriut", i cili synon të tërheqë vëmendjen mbi çështjen e problemeve të donacioneve në Bullgari.

Jetë pas fundit

Georgi është një i ri nga Varna, i cili më 20 shtator 2015, mbetet përgjithmonë 21 vjeç, por bën të mundur që 4 jetë të tjera të vazhdojnë duke u bërë donator. Një student jashtë vendit, me mendje të mprehtë dhe me një të ardhme të ndritur, Georgi nuk kishte probleme serioze shëndetësore dhe nuk mund ta dinte se një aneurizëm tinëzar i trurit në kokën e tij ishte gati të plaste dhe t'i jepte fund jetës së tij. Aneurizmat nuk kanë asnjë shkak apo simptoma të shpjegueshme, dhe në rastin e Georgit ishte asgjë më tepër se një fatëkeqësi. Megjithatë, ai u jep katër njerëzve një shans për jetën, gjë që e bën atë një hero, dhe kështu frymëzon idenë novatore që një rrugë të mabjë emrin e tij.

Donacion në Bullgari

Në vendin tonë kemi pasur vetëm 13 situata donatore në vitin 2022, ndërkohë që njerëzit në pritje janë afro 1000, gjë që e vendos Bullgarinë nga fundi i listës së Bashkimit Evropian për nga numri i transplanteve. Njerëz të cilët janë në brendësi të situatës parashikojnë se nëse vazhdojmë me këtë tempo aktuale, do të duhen më shumë se 20 vjet për të mundësuar transplatnin për të gjithë ata që presin deri më sot.

Historia e Georgit dhe e donacionit në vendin tonë tregohet nëpërmjet projektit multimedial “Dhurata e fundit e njeriut”. Në mënyrë që ai të realizohej, autorët e tij Aleksandër Nikollov dhe Dimitër Panajotov zhvilluan mbi 100 takime me mjekë, pacientë dhe familje të donatorëve në më shumë se 15 vendbanime. Ata fulmuan në 8 spitale, morën pjesë në tre transplante dhe u bënë dhëshmitarë të një donacioni.

Përgatiti në shqip: Kostandina Bello

Më shumë nga rubrika

Pikturat digjitale të një gruaje bullgare u ulën 384 000 km larg Tokës

Dy piktura digjitale të artistes bullgare Sillvija Stratieva zbarkuan në Hënë, të transportuara nga anija kozmike “Odiseu”. Ato janë pjesë e projektit “Kodi i Hënës”, tha ajo për Faktor.bg. Anija kozmike “Odiseu”, e ndërtuar dhe e operuar nga..

botuar më 24-02-23 12.41.MD

Një seri e re dokumentare për luftën në Ukrainë me premierë në Sofje

Lufta në Ukrainë, e cila filloi me pushtimin rus më 24 shkurt 2022, po vazhdon prej dy vitesh. Sipas të dhënave nga Komisariati i Lartë i Kombeve të Bashkuara për të Drejtat e Njeriut, në fund të vitit 2023, numri i civilëve të vrarë në Ukrainë..

botuar më 24-02-23 5.25.PD

Në fokusin e Evropës - përvjetori i luftës në Ukrainë, NATO dhe sfidat dhe të panjohurat e reja pas fjalimit të Trump

Në prag të përvjetorit të dytë të luftës midis Rusisë dhe Ukrainës, si dhe në vitin e një numri zgjedhjesh kyçe për të ardhmen e botës - për presidentin amerikan dhe për një përbërje të re të institucioneve evropiane, si dhe në vitin e përvjetorit të..

botuar më 24-02-21 8.40.PD