Më shumë se 200 pjesëmarrës do të rikrijojnë jetën dhe veprën ushtarake të shoqërive që banonin në kështjellën e lashtë pranë qytetit të sotëm të Slivenit në periudhën nga antikiteti i vonë deri në Mbretërinë e Dytë Bullgare. Panairi mesjetar "Kujto lavdinë - Tuida 2023" nisi që të premten me një paradë festive nëpër rrugët e qytetit.
Festivali, i cili mbahet për të shtatën herë, vazhdon më 7 dhe 8 tetor, por tashmë pas mureve të kalasë mesjetare “Tuida”.
Vizitorët mund të krijojnë një ide për stilin e jetesës, traditave, kulturës, zakoneve dhe madje edhe lojërave të paraardhësve tanë. Dyluftime gladiatorësh, përleshje të ushtrive të armatosura, shigjetar të aftë, artizanat, treg skllevërish, gatime të shijshme, jurta dhe tenda udhëtimesh, kostume dhe atraksione të tjera do të mbushin ditët e festivalit.
Panairi mesjetar mbahet çdo vit me rastin e festës së Shën Dimitrit të qytetit Sliven. Ai organizohet në frymën e traditës së vjetër ushtarake bullgare - Mbledhja e ushtrive gjatë vjeshtës, të cilën bullgarët e mbanin në ditën e mundësit të dragoit dhe Dëshmorit të madh Shën Dimitër.
Foto: Bashkia Sliven
Përgatiti në shqip: Kostandina Bello
Më 31 janar 2025 filloi podkasti i parë për bashkësitë e kishës ortodokse bullgare jashtë vendit - "Ura e Besimit”. Ideja është e ekipit të "Radio Bullgarisë" – programi për jashtë vendit i Radios Kombëtare Bullgare (BNR) dhe po zbatohet në bashkëpunim me..
Vetëm disa orë para se të betohet për një mandat të dytë si President i SHBA-së, Donald Trump tronditi komunitetin ndërkombëtar me lajmin se ai po lëshon kriptomonedhën e tij, të quajtur $TRUMP. Një precedent që ngjall shumë pikëpyetje për arsyen e krijimit..
Studentët e Universitetit të Sofjes "Shën Kliment Ohridski" vizituan Radio Bullgarinë në kuadër të studimeve të tyre në degën e "Ballkanistikës". Të ftuarve u la mbresa procesi i punës në studiot e Radios Kombëtare Bullgare, si dhe puna e shumanshme dhe..