Nga data 27 deri më 29 tetor do të mbahet edicioni i radhës i Plovdiv Jazz Fest. Në mesin e muzikantëve nga Bullgaria, Austria, Italia, SHBA dhe Brazili, të cilët do të vizitojnë qytetin bullgar, është një fitues i çmimit Grammy dhe 24 muzikantë të nominuar për çmimin prestigjioz muzikor.
Adhuruesit e muzikës do të kenë mundësinë të dëgjojnë pianistin e njohur Joey Calderazzo (më 29.10), së bashku me saksofonistin e shkëlqyer Miguel Zenon me 11 nominime për çmimin Grammy, tre kitaristë të shquar Julian Lage, Wolfgang Muthspiel dhe Chico Pinheiro, pianisten dhe këngëtaren italiane Francesca Tandoi dhe dyshjen e jashtëzakonshme Veselin Veselinov-Eko dhe Milen Kukosharov - Das Weltschmerz Duet.
Në skenën e Shtëpisë së Kulturës "Boris Hristov" nga ora 20:00 çdo natë festivali do të prezantohen dy koncerte. Vëmendje e veçantë i kushtohet xhazit instrumental, përdorimit të kitarës në xhaz dhe koncerteve të dhomës.
Më 27 tetor, e premte - kontrabasisti Veselin Veselinov - Eko, i cili këtë vit feston 60 vjetorin e tij, do ta marrë çmimin për kontribut të përgjithshëm në xhaz.
Pjesë e programit të Plovdiv Jazz Fest është një ngjarje paraprake. Një ditë para hapjes, më 26 tetor, në orën 19:30 në Studion e Parë të Radio Plovdivit, pianisti Dimitër Bodurov do ta festojë ditën e tij të emrit me një koncert të Trios Bodurov.
Dimitër Bodurov është një pianist xhaz me origjinë bullgare, i cili jeton dhe punon në Holandë. I ndikuar fuqishëm nga folklori i vendit të tij të lindjes, ai krijon muzikë duke e kombinuar muzikën popullore bullgare me kompozimin klasik. Një shembull i mrekullueshëm për këtë është interpretimi i tij i këngës popullore "A je tulipan, a je zymbyl" - pjesa "Tulipani" nga albumi i Bodurov Trio ""Stamps From Bulgaria" " nga viti 2008.
Ljubo Kirov është ndër yjet e muzikës bullgare që kanë mbushur sallat më të mëdha gjatë viteve të fundit. Çdo këngë e tij e re emocionon publikun, i cili ka një arsye të re gëzimi – tashmë është gati albumi i ri i këngëtarit, “Zemra e re”. Në..
Në ditët para festës së madhe të krishterë të Rrëshajave, tempulli "Shën Sofja - Urtësia e Zotit" pret edicionin e parë të Festivalit të Muzikës Shpirtërore Korale "Trisvjatuju pesn" ("Трисвятую песнь") nga 19 deri më 23 qershor. Organizatorë janë..
Ndonëse prej më shumë se 20 vitesh Magdalena Todorova Karamitevajeton me familjen jashtë vendit, kënga popullore bullgare e shoqëron kudo. Ajo është autore e dhjetëra teksteve, të cilat i shndërron në këngë, së bashku me bashkëshortin e saj -..
Në skenën e madhe të edicionit të katërt të "Midalidare - Rock in the Wine Valley" nga data 12 deri në 14 korrik në fshatin Mogillovo, përkrah..
Kompozitori Josif Cankov, i cili ka punuar nga fillimi i viteve 1930 deri në vitin 1971, jo rastësisht quhet Patriarku i muzikës bullgare. Ai është..