Formacioni “No More Many More” i përbërë me talente natyrale tashmë një dekadë është në skenën muzikore bullgare. Dhe një nga arsyet për këtë është se grupi alternativ nuk bën kompromise me stilin e tij, me meloditë origjinale dhe tekstet e fuqishme fund e krye në bullgarisht.
Kompozitori i muzikës dhe autor i teksteve është këngëtari kryesor i grupit Metodi Krëstev. Formacioni “No More Many More” është i dashur edhe për qëndrimin aktiv prej qytetari, të cilin e shprehin me guxim në këngët e tyre që nga viti 2013.
“No More Many More” shënuan 10-vjetorin e tyre në skenë me një koncert ku prezantuan këngën e tyre më të re “Nuk ka ish revolucionarë”. Në të, grupi bashkëpunoi me aktorin Valeri Jordanov si vokalist dhe autor i një pjese të teksteve të këngës, të shkruara mbi baza folklorike. Në fund dëgjojmë edhe zërin e vajzës së tij - Jana Jordanova.
Videoja, regjisor i së cilës është vet Valeri, kombinon pamjet dokumentare të punës së grupit në studio, si dhe pamjet nga "Revolucionarë" - shfaqja emblematike e regjisorit Aleksandër Morfov, në të cilën Valeri Jordanov rikrijon një nga rolet qendrore. Finali i videos vjen të shprehë gjithë dramën bullgare për lirinë e ëndërruar, por të parealizuar.
Redaktore: Diljana Traçeva
Përgatiti në shqip dhe publikoi: Svetllana Dimitrova
Më 16 shkurt, një nga kantautorët më të dashur bashkëkohor – Stefan Diomov – mbush 80 vjeç. Shpirti i tij djaloshar u ka dhënë jetë dhjetëra hiteve të këngëtarëve dhe grupeve tona më të njohura, por kompozitori krijon edhe muzikë për dokumentarë, shfaqje..
Kënga "Dashuria dhe vera" u interpretua nga ylli i muzikës pop bullgare Jordanka Hristova në vitin 2023, disa ditë para 14 shkurtit. Si data, ashtu edhe kënga bashkojnë dy festa - të verës dhe të dashurisë: “ Çfarë është vera pa dashuri? Çfarë është..
"Një koncert me muzikë origjinale është një mënyrë e shkëlqyer për të festuar ditëlindjen," thotë me buzëqeshje një nga muzikantët më të shquar dhe krijues të xhazit në skenën bullgare, perkusionisti Hristo Jocov. Një fjalë e thënë, një gur i hedhur (Që..
Më 16 shkurt, një nga kantautorët më të dashur bashkëkohor – Stefan Diomov – mbush 80 vjeç. Shpirti i tij djaloshar u ka dhënë jetë dhjetëra hiteve të..