Shpresoj se do të vijë deri te rotacioni i kryeministrave, sepse ne kemi një program që duhet ta përmbushim, tha kryeministri Nikollaj Denkov gjatë forumit Powers Summit 2023 në Sofje. “Duhet të ketë një takim të  liderëve. Kritikat, kërcënimet dhe komentet parazgjedhore duhet të marrin fund dhe të vazhdojmë të punojmë”, bëri thirrje kryeministri lidhur me situatën e brendshme pas votimit vendor.

“Ne do të vendosim si prioritet kryesor të qeverisë përmirësimin e cilësisë së jetës së qytetarëve në Bullgari për të zgjidhur problemet demografike. Njerëzit të dëshirojnë të jetojnë në Bullgari, të kthehen në Bullgari. Detyra jonë pas vitit 2024 do të jetë ta bëjmë Bullgarinë një nga vendet më të mira për të jetuar në Evropë”, tha Denkov.