Kryetari i Bashkisë së Sofjes, Vasil Terziev, do të takohet me të gjitha partitë në Këshillin Bashkiak të Sofjes për të kërkuar marrëveshje se kush duhet të kryesojë këshillin e bashkisë së kryeqytetit.

"Ka tre muaj për të zgjedhur një kryetar të Këshillit, por nëse kjo nuk ndodh, do të duhet të mbahen zgjedhje të reja për Këshillin Bashkiak," tha ai pas një takimi me kryeministrin Nikollaj Denkov në Këshillin e Ministrave.  Vasill Terziev shprehu shpresën se të mos arrihet deri në masë ekstreme, sepse kjo do të thotë bllokim i plotë i punës së Komunës Metropolitane.

Në takim, kryetari i komunës ngriti çështje që kanë të bëjnë me arsimin, kulturën, infrastrukturën dhe financimin e komunave. Nga ana e tij, kryeministri tha se problemet e bashkive janë në qendër të vëmendjes së kabinetit dhe se së shpejti pritet një takim me Asociacionin Kombëtar të Bashkive.