Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Më 21 nëntor kremtojnë Hyrjen e Hyjlindëses Mari në Tempull

Familja e krishterë ruan dashurinë dhe mirëkuptimin në shtëpi

Foto: BTA

Hyrja e Hyjlindëses Mari në Tempull është një nga dymbëdhjetë festat kryesore të krishtera që kremtohet nga Kisha Ortodokse dhe Katolike më 21 Nëntor. Kisha Ortodokse Bullgare e feston veçanërisht solemne si Ditën e Familjes dhe Rinisë së Krishterë, prandaj është edhe ndër festat familjare dimërore më të nderuara në vendin tonë, kur anëtarët e familjes frekuentojnë së bashku liturgjinë.

Frekuentimi i kishës nga e gjithë familja simbolizon hyrjen në tempull të Marisë trevjeçare, nënës së ardhshme të Zotit dhe u kujton prindërve detyrimet e tyre shpirtërore ndaj fëmijëve.

Sipas Mësimit të Krishtit, familja krahasohet me Kishën, si shkallë e saj e reduktuar, vëren At Bozhidar Marinov nga kisha e kryeqytetit "Lartësimi i Kryqit të Shenjtë të Zotit" në një intervistë për Radio Bullgarinë.

Cilat janë sfidat me të cilat përballet familja e krishterë sot, kur shpresa për një botë më të mirë shpesh ia lë vendin pasigurisë?

“Për jetën familjare ka shumë pikëpamje, por familja e krishterë ka si model planin e Zotit për njeriun – thotë At Bozhidar. - Një familje është e krishterë për aq sa i afrohet ose përshtatet me këtë plan të Zotit, që do të thotë se dy bashkëshortët do të jenë një mish i vetëm. Ideja e krishterë e martesës bazohet në kuptimin që burri dhe gruaja duhet të shihen si një organizëm i vetëm, si një bashkim i vetëm në të gjitha nivelet, gjë që i bën ata të ndihen të kompletuar me njëri-tjetrin. Prandaj, kur kryejmë Sakramentin e Martesës, themi në fund se, në fakt, tani e tutje, porsamartuarit janë tashmë një person, një mish. Është e rëndësishme të mbajmë mend dhe të dimë se ajo që mbillet tani do të korret në vitet në vijim.”

Prifti Bozhidar Marinov

Në traditën ortodokse, prindërit kanë detyrën e vështirë në familje të edukojnë fëmijët e tyre, t'i mësojnë të dallojnë të mirën nga e keqja, por edhe t'i njohin me vlerat e krishtera:

"Si bij të Adamit dhe Evës, ne të gjithë jemi të mbrujtur në gjakun tonë me pasion mëkatar, por gjaku ynë është i mbrujtur me Gjakun e Krishtit në Kungimin e Shenjtë – thekson At Bozhidar. - Kjo ndodh kur prindërit dhe fëmijët marrin kungim së bashku. Kështu mësojnë fëmijët dhe për këtë ne e quajmë këtë festë Dita e Familjes dhe Rinisë së Krishterë, sepse te shenjtorët Joakim dhe Ana dhe vajza e tyre Virgjëresha Mari, ne shohim idealin e një familjeje që zotëron të gjitha vlerat morale, përkushtim total ndaj vullnetit të Zotit. Lutja, përulësia, bindja - kjo është familja e krishterë - një bashkësi e dy bashkëshortëve që janë një, së bashku me fëmijët dhe të gjithë janë një me Krishtin."

Çdo të diel kisha mbushet plot me të rinj dhe fëmijë që kungojnë

Në famullinë e tempullit “Lartësimi i Kryqit të Shenjtë të Zotit”, priftërinjtë i kushtojnë vëmendje të veçantë të rinjve dhe familjeve të reja. Sipas At Bozhidar, kur një familje është e edukuar në frymën e Kishës Ortodokse, ajo jeton një jetë më të qetë, më ritmike dhe të rregullt.


Përgatiti në shqip dhe publikoi: Svetllana Dimitrova

Foto: vazdvijenie.bg, Darina Grigorova, BTA


Më shumë nga rubrika

Zbarkimi në Svishtov.
Artisti: Nikollaj Dmitriev-Orenburgski

Gjashtë breza bullgarësh ruajnë kujtimin e atyre që vdiqën në Luftën Çlirimtare Ruso-Turke (1877-1878)

Monumentet mbajnë të gjallë kujtimin e ngjarjeve të rëndësishme të së kaluarës. Shumica e tyre tregojnë për sakrificën njerëzore, për tokën e lagur me gjakun e heronjve që mbrojtën atdheun. Kronistët mbledhin këto pjesë të historisë dhe i..

botuar më 24-03-03 4.15.MD

Relikte të çmuara në “Etër” kujtojnë veprën e revolucionarit Georgi Benkovski

Pushka e Georgi Benkovskit dhe Thirrja për shpalljen e Kryengritjes së Prillit , si dhe dokumente autentike, janë ndër reliktet që tregojnë për jetën e revolucionarit para se të bëhej pjesë e organizatorëve kryengritëse, e cila u bë nismë për..

botuar më 24-03-01 6.05.PD

Një bullgar përpiloi një libër-muze të kulturës trake

Kush ishin argjendarët e parë në botë? Në mesin e tyre padyshim janë trakët, të cilët kanë banuar në tokat bullgare që nga epoka e bronzit e deri në kohën e perandorëve romakë. Dhe a e dini se ka mbi 80 thesare trake në muze dhe koleksione në të gjithë..

botuar më 24-02-26 4.55.MD