"Ndoshta ishte rastësisht që kalova - ndoshta, ndoshta..."

Këto janë vargjet e para të Nadezhda Zaharievës nga kënga “Ndoshta” e grupit legjendar “Signall”. Jo rastësisht ata kanë 45 vite në skenën e muzikës vendase dhe këtë do ta shënojnë me një koncert të titulluar “Signall – 45 vjet rock”. Më 7 dhjetor, në sallën Nr. 1 të Pallatit Kombëtar të Kulturës /NDK/, pranë Jordan Karaxhovit, Aleksandër Marinovskit, Vladimir Zaharievit dhe Georgi Janakievit, në skenë do të jetë Filarmonia Ruse me dirigjent Dimitër Kosev.

Një vitin 1979 doli në tregun muzikor albumi i tyre i parë "Kryqëzimi i përjetshëm". Albumi i parë i dyfishtë rock në historinë e muzikës bullgare ishte i tyre - "Stuntmen" i vitit 1981. Për këto 45 vjet ata kanë realizuar mijëra koncerte, shumë prej tyre jashtë Bullgarisë. Ata kanë nxjerrë pothuajse 20 albume, më shumë se gjysma e të cilave janë albume në studio.

Pyetjes se si i sheh këta 45 vjet me grupin dhe çfarë do t’i urojnë vetes për 45 vjeç, Jordan Karaxhiv iu përgjigj:

"Ata kaluan si një frymë. Sepse falë audiencës sonë kemi jetuar për 45 vjet. Gjithmonë kam deklaruar respektin tim të madh ndaj publikut tonë! Sa për 45 vitet e ardhshme, dua t'u uroj shumë  shëndet fansave tanë, që të jemi edhe ne kaq vite në tokë!”

Më 7 dhjetor, muzikantët nga “Signall” do të kombinojnë energjinë rock me tingullin klasik. Publiku do të mund të dëgjojë hitet e tyre emocionuese “Lamtumirë”, “Ndoshta”, “Më mungon” e shumë të tjera. Ndër to është edhe "Të dashuroj" me muzikë të Georgi Kostov dhe poezi të poetit Ljubomir Levçev. Aranzhimenti është i grupit.

• Grupi “Signall” me një turne kombëtar me rastin e 45-vjetorit

• Jordan Karaxhov për albumin “E tillë është jeta” dhe për projektet e reja gjatë vitit 2017

Foto: FB / Signal rock band

Përgatiti në shqip dhe publikoi: Vesella Mançeva