Ekipi i Radio Bullgarisë njofton me dhimbje se sot në moshën 52-vjeçare ndërroi jetë kolegia jonë e dashur Anna Fuckova. Ani humbi betejën me kancerin, por la shpirtin dhe zemrën e saj në radio, ku punoi deri në fund për më shumë se 20 vjet.
Pas diplomimit në "Filologji Ruse" dhe "Gjuhë dhe letërsi moderne greke" në Universitetin e Sofjes, në vitin 1997 Anna Fuckova iu bashkua programeve në gjuhën ruse të "Radio Bullgarisë". Ndër vite ajo ka qenë reportere, redaktore dhe prezantuese. Ani është nga grupi i gazetarëve të cilët, në vitin 2004, ishin të parët që kontribuuan në ndërtimin dhe zhvillimin e faqes unike informative të "Radio Bulgarisë" në tekst, fotografi dhe audio në 11 gjuhë (bullgarisht, rusisht, anglisht, gjermanisht, frëngjisht, spanjisht, serbisht, greqisht, shqip, turqisht dhe arabisht).
Anna Fuckova ishte gjithashtu ndër mbrojtësit më aktiv të kauzës "Radio Bullgaria" në vitin e krizës 2017, kur programi për jashtë vendit, historia e të cilit daton që nga viti 1936, u përball me kërcënimin e mbylljes.
E paepur, plot ide dhe gjithmonë me qëndrim ndaj punës së saj – kështu do ta kujtojmë Aninë, së cilës të gjithë i kemi kërkuar ndihmë profesionale ose këshilla miqësore.
E dashur Ani, prehu në paqe! Të duam dhe na mungon shumë!
Foto: arkiv personal, BNR
Krahas rajoneve historiko-gjeografike të Gorës dhe Gollobordës, popullsi kompakte bullgare ka edhe në pjesën juglindore të Shqipërisë. Edhe pse migrimi ekonomik i viteve të fundit ka pasur një ndikim negativ, bullgarët në rajonin e qyteteve Korçë,..
Jeta e miliona njerëzve në mbarë botën, të cilët jetojnë në një sërë sfidash jetësore - luftë, uri, varfëri, duket e pakuptueshme për botën perëndimore, pjesë e së cilës janë Evropa dhe Bullgaria. Kjo është arsyeja se pse ne i pranojmë historitë e fateve..
Agron Nuredinaj prej disa muajsh është pjesë e administratës së re bashkiake të qytetit të Kukësit në veri të Shqipërisë. Qendra bashkiake është përgjegjëse edhe për fshatrat në rajonin e Gorës, ku një popullsi me origjinë bullgare dhe me vetëdije..
Më 1 tetor, bota feston gjuhën universale të muzikës. Vështirë se dikush dyshon në aftësinë e këtij arti për të shëruar shpirtrat dhe për t'u dhënë krahë..