Në vitin 1936 "Radio Sofja" (sot Radioja Kombëtare Bullgare) filloi transmetimin e programeve jashtë shtetit përmes një radiotransmetuesi me valë të shkurtra, i cili fitoi popullaritet si Radiostacioni "Elsa". Sot, Programi "Radio Bulgaria" e prezanton Bullgarinë para botës në 11 gjuhë - shqip, anglisht, frëngjisht, gjermanisht, greqisht, rusisht, serbisht, spanjisht, rumanisht, turqisht dhe bullgarisht.
Vendosëm që të shfletojmë gazetat e vjetra për të zbuluar se si shtypi bullgar e pasqyronte veprimtarinë e Radio Bullgarisë ndër vite dhe i mblodhëm për ju faktet më interesante.
"Shumë nga dëgjuesit bullgarë të radios nuk dyshojnë për ekzistencën e programit të tretë kombëtar të BNR-së, të quajtur "Radio Bullgaria". Megjithatë, kjo nuk i shqetëson ata që punojnë në të, sepse e dinë se shumë amerikanë nuk kanë dëgjuar për "Zërin e Amerikës" - shkruan gazeta "Duma".
"Ka një radio që pothuajse askush nuk e dëgjon në Bullgari. Megjithë logjikën e shëndoshë, ajo nuk falimenton dhe nuk ndalet. Përkundrazi, transmeton prej 70 vitesh, sepse dëgjuesit e saj jetojnë jashtë Bullgarisë. Kjo është Radio Bullgaria”, shkruan gazeta “24 Çasa” me rastin e përvjetorit tonë në vitin 2007.
Rezulton se "Radio Bullgarinë” e dëgjojnë edhe qeveritë e huaja" - shkruan gazeta "Trud" në vitin 1999. Sipas këtij informacioni, 44 banka tregtare dhe investuese, 38 departamente qeveritare, 26 institucione akademike dhe firma të shumta konsulente informohen rregullisht për zhvillimet në vendin tonë.
Në një intervistë të vitit 1985 për Gazetën "Narodna Mlladesh", zëvendëskryeredaktori i atëhershëm Atanas Cenov ndau: "Shumë dëgjues jashtë shtetit kanë organizuar klubet “Miqtë e Radio Sofjes". Numri i tyre është rreth 300. Ata i bashkon interesi për Bullgarinë. Klubet organizojnë ekspozita për Bullgarinë dhe mes të afërmve dhe miqve të tyre shpërndajnë materialet e ndryshme - postera, libra, që ne u dërgojmë”.
Një histori interesante që lidhet me këtë vëmendje ndaj dëgjuesve tregohet në gazetën “Trud” në numrin e saj të 11 tetorit 1993: "Gjëja e parë që një argjentinas shpëtoi nga flakët e zjarrit në shtëpinë e tij ishin suveniret e "Radio Bullgarisë". Më pas ai i kërkoi gruas së tij t'i shkruante një letër redaktorëve sepse i ishin djegur duart..."
Në të njëjtin artikull lexojmë fakte të tjera interesante. Në një qytet të vogël të Amerikës Latine, njerëzit nga e gjithë rruga zgjodhën një person përgjegjës për korrespondencën, sepse pullat për në Bullgari ishin të shtrenjta. Ndërsa një mësues nga një shkollë e mesme në një shtet australian regjistronte programet e "Radio Bullgarisë" në kasetë dhe i lëshonte në stacionin lokal VHF.
Ndodhi qesharake me kolegët tanë nga redaksia shqip janë përshkruar në Gazetën "Trud" të vitit 1998. Kur redaktorjapërgjegjëse Zoja Kostadinova vizitoi Shqipërinë për herë të parë, doganieri e njohu atë... përderisa ajo me zë të lartë po lexonte emrin e saj nga pasaporta. Pas disa kohësh, një tjetër nga gazetaret, në një tjetër pikë kontrolli, u identifikua nga një doganier si përfaqësuese e "Radio Bullgarisë".
Më shumë fakte interesante mund të lexoni këtu, dhe ne përfundojmë me një citat nga gazeta “Rabotniçekso Dello” nga 23 prilli 1989: “Gazetarët që përgatisin emisionet për jashtë vendit nuk gëzojnë popullaritetin e “yjeve” të njohur radioteleviziv. Puna e tyre mbetet e padukshme për dëgjuesin bullgar dhe shoqërinë e gjerë në vendin tonë. Por letrat-mesazhe dhe komentet e shumta të sinqerta, që kaluan shumë kufij, janë njohje dhe përgjegjësi, të cilat e detyrojnë zërin e “Radio Sofjes” të tingëllojë i pastër dhe i sinqertë në eter.”
Përpilues: Desisllava Semkovska
Përgatiti në shqip dhe publikoi: Svetllana Dimitrova
Foto: Desisllava Semkovska
Pas nënshkrimit të marrëveshjes mes qeverive të Bullgarisë dhe Moldavisë, Universiteti Shtetëror në qytetin Taraklia u bë strukturë e Universitetit “Angell Kënçev” në qytetin bullgar Ruse, njoftoi qendra për shtyp e Këshillit të Ministrave. Nëpërmjet..
Bullgaria do të mirëpresë rreth 200 nxënës dhe të rinj nga e gjithë bota, të cilët do të marrin pjesë në Olimpiadën e parë Ndërkombëtare të Inteligjencës Artificiale, të krijuar nga bullgarët. Në garë kanë konfirmuar pjesëmarrjen 44 ekipe, dy prej..
Një studim i kompanisë së zgjidhjeve të biznesit "Moneypenny" tregon Sofjen si qytetin më të mirë për një evropian mesatar për të jetuar pas daljes në pension, shkruan revista "FORBES". Renditja merr parasysh faktorë të tillë si kostoja mesatare e..
Përjetime të paharrueshme me birrën e freskët, kokteje të birrës alkoolike dhe joalkoolike të zhvilluara posaçërisht, hite të preferuara bullgare dhe të..
Baza Bullgare në Antarktidë u krijua në vitin 1988. Që nga viti 1993 me dekret të presidentit Zhelju Zhelev e mori emrin e Shenjtorit Kliment Ohridski...
Nominimet për eurokomisioner bullgar u shpallën në sfondin e zëvendësimit të qeverisë së parë provizore të kryeministrit Dimitër Gllavçev me atë të..