Borxhi i jashtëm shtetëror i Bullgarisë në fund të vitit 2023 u rrit me 22,7% ose mbi 2 miliardë euro, krahasuar me fundin e vitit 2022, dhe arriti në 10 888 miliardë euro. Kjo është 11,6% e PBB-së, njoftoi Banka Kombëtare Bullgare. Në dhjetor 2023, borxhi i jashtëm bruto i Bullgarisë (privat dhe publik) ishte mbi 45 miliardë euro, që është 47,9% e PBB-së dhe u rrit me 820 milionë euro. Rritja është 1.9% krahasuar me një vit më parë.
Në shkurt 2024, situata ekonomike në vend ka mbetur pranë nivelit të një muaji më parë. Ka përmirësim të klimës së biznesit në industri, pa ndryshim në ndërtim dhe tregti me pakicë dhe rënie të lehtë në sektorin e shërbimeve, sipas sondazhit të fundit të Institutit Kombëtar të Statistikave. Treguesi i përgjithshëm i klimës së biznesit në shkurt është 22,6%, krahasuar me 22,8% në fillim të vitit 2024.Agjencia ndërkombëtare e vlerësimit Standard&Poor's (S&P Global Ratings) konfirmoi vlerësimin afatgjatë dhe afatshkurtër të kreditit të Bullgarisë në monedhë të huaj dhe vendase 'BBB/A-2'. Perspektiva për vlerësimin mbetet pozitive...
Paga minimale nga viti 2025 duhet të jetë 1080 leva (542 euro), tha Ljubosllav Kostov, kryeekonomist i Konfederatës së Sindikatave të Pavarura në Bullgari. Ai mori pjesë në konferencën "Direktiva evropiane për pagën minimale: mundësitë për sindikatat..
Bordi Drejtues i Bankës Kombëtare Bullgare (BNB) urdhëroi bankat në vend që të aplikojnë një grup minimal prej 6 treguesish për monitorimin e standardeve të kredisë gjatë dhënies dhe rinegocimit të kredive siguruar me pasuri të paluajtshme banesore...