Pas një sëmundjeje të gjatë, në moshën 78-vjeçare u largua nga ne Shenjtëria e Tij Patriarku Bullgar dhe Mitropoliti i Sofjes Neofit. Pak para mesnatës, më 13 mars, në një deklaratë zyrtare, Sinodi i Shenjtë i Kishës Ortodokse Bullgare njoftoi se kryepeshkopi i Kishës sonë të Shenjtë Ortodokse ka vdekur si pasojë e dështimit të shumëfishtë të organeve në Akademinë Mjekësore Ushtarake - Sofje në orën 22:22.
“U bëjmë thirrje të krishterëve ortodoksë që së bashku me Kishën e Shenjtë Ortodokse t’i drejtojnë lutjen e tyre të sinqertë Zotit të gjithëmëshirshëm që të qetësojë shpirtin e Patriarkut tonë të dashur në Mbretërinë e Zotit...”, thërrasin peshkopët.
Gjendja e Shenjtërisë së tij u përkeqësua në fund të vitit të kaluar dhe që nga atëherë ai mjekohej në Akademinë Mjekësore Ushtarake - Sofje. Pak para largimit të tij, laikët u lutën edhe një herë për shërimin e Patriarkut deri në momentin kur lajmi i hidhur tronditi popullin ortodoks bullgar.
Patriarku Neofit lindi në qytetin e Sofjes më 15 tetor 1945 me emrin laik Simeon Nikollov Dimitrov. Pas diplomimit në Seminarin Teologjik të Sofjes, te stacioni i Çerepishit, ai ndoqi Akademinë Teologjike në Sofje. Pas kësaj kreu specializimin teologjik në departamentin e "Këndimit Kishtar" në Akademinë Teologjike të Moskës dhe pas kthimit të tij në 1973 jepte mësim dhe drejtonte korin studentor në Akademinë Teologjike. Në vitin 1975 u shugurua murg me emrin Neofit nga Patriarku bullgar Maksimi në Manastirin e Shenjtë të Trojanit. Në fund të vitit 1989 u bë rektor i Akademisë Teologjike dhe dy vjet më vonë u bë dekani i parë i Fakultetit Teologjik të rivendosur në Universitetin e Sofjes "Shën Kliment Ohridski".
Më 24 shkurt 2013 Neofiti u zgjodh Patriark bullgar dhe Mitropoliti i Sofjes dhe po atë ditë u fronëzua në Katedralen "Shën Aleksandër Nevski".
Patriku Neofit gjatë jetës së tij njihej si një udhëheqës tolerant dhe i qetë, si një mbrojtës i zellshëm i vlerave të krishtera dhe si përkrahës i flaktë i futjes së lëndës “fe” në shkollat bullgare.
I përjetshëm, i bekuar dhe i ndritur qoftë kujtimi i Patriarkut të Shenjtë të Bullgarisë dhe Mitropolitit të Sofjes!
Si dukej bota e kafshëve në zonën e qytetit të sotëm të Trënit (Bullgaria Perëndimore) më shumë se 80 milionë vjet më parë - kësaj pyetjeje po përpiqen t'i përgjigjen paleontologët nga Muzeu Kombëtar i Shkencave Natyrore në Akademinë Bullgare të..
Muzeu Historik Kombëtar feston 130-vjetorin e lindjes së mbretit Boris III me ekspozitën “Mbreti Boris III. Një personalitet dhe burrë shteti”. Ajo do të hapet sot, 3 tetor, në hollin qendror të muzeut. Ekspozita do të prezantojë, sipas rendit..
Koka e një statuje është zbuluar gjatë gërmimeve në kanalin e madh të qytetit antik të Heraklea Sintika. Ajo është e statujës që u zbulua disa ditë më parë dhe tani është në muzeun e Petriçit që të studiohet nga restauruesit. “Kjo verë ishte..
Revolucionari i madh Ljuben Karavellov (1834-1879), shkrimtar dhe publicist i Rilindjes sonë, ka lënë një gjurmë të thellë në letërsinë bullgare si prozator,..
Pjesërisht me re
Vranësira të dendura
Vranësira