E dobishme: Si marrin pension bullgarët e siguruar në Bullgari dhe vende të tjera të BE-së

botuar më 24-04-03 7.35.PD

Foto: BGNES

Me hyrjen e Bullgarisë në Bashkimin Evropian më 1 janar 2007, u hapën shumë mundësi të reja për bullgarët për të punuar në vende të tjera anëtare të BE-së. Dhe ata përfituan prej tyre. Megjithatë, si llogaritet përvoja e fituar në sigurime në vendin tonë dhe në vendet e tjera të bashkimit për fitimin e të drejtës së pensionit? Kjo është një pyetje që shqetëson shumë nga bashkatdhetarë tanë.

Për të marrë një përgjigje, “Radio Bullgaria” iu drejtua ekspertëve të Drejtorisë “Rregulloret Evropiane dhe Marrëveshjet Ndërkombëtare” të Institutit Kombëtar të Sigurimeve, të cilët na prezantuan hapat që duhet të ndërmarrin qytetarët në raste të tilla. Përgjigja jonë bazohet në shembullin e një qytetari me përvojë pune në Bullgari dhe Spanjë, por vlen për qytetarët që kanë sigurime shoqërore në shtete të ndryshme anëtare brenda BE-së.

Sipas rregulloreve të BE-së, kur periudha e sigurimit në një shtet anëtar nuk është e mjaftueshme për të fituar të drejtën e pensionit, asaj i shtohet periudha e fituar sipas legjislacionit të një shteti tjetër anëtar, por me kusht që periudhat e sigurimit në të dy vendet nuk përkojnë me njëra-tjetrën.

Përsoni që do të përfitojnë pension paraqet një kërkesë pranë institucionit sipas vendbanimit të tij ose institucionit të shtetit anëtar ku ka punuar për herë të fundit dhe në bazë të legjislacionit tëatij vendi. Për shembull, nëse personi banon në Spanjë, sipas rregullave të BE-së, aplikimi për pension i dorëzohet institucionit kompetent të Mbretërisë së Spanjës, i cili së bashku me përvojën e konfirmuar dhe dokumentet dhe të dhënat e tjera të nevojshme, i dërgon ato tek Instituti Kombëtar i Sigurimeve.

Nëse një person banon në territorin e Bullgarisë, ai duhet të paraqesë një kërkesë për përfitimin e pensionit në sektorin përkatës territorial të Institutit Kombëtar të Sigurimeve në adresën e tij të përhershme ose aktuale. Në aplikim, është e nevojshme të tregohet se ai është i siguruar sipas legjislacionit të një shteti tjetër/shtete të tjera anëtare, duke bashkangjitur dokumente bullgare origjinale që vërtetojnë sigurimin dhe duke deklaruar periudhat e sigurimit dhe/ose dokumente të tjera të lëshuara nga një shtet tjetër anëtar (përfshirë Spanjën) si dhe një numër spanjoll të sigurimeve shoqërore.

Dokumentet bullgare që e vërtetojnë këtë janë: librezë pune/sigurimit, vërtetim të modelit UP-30/UP-3, librezë ushtarake (për burrat), shënohet data e lindjes së fëmijës (për gratë që nuk kanë punuar deri në momentin e lindjes së fëmijës).

Pasi të jetë paraqitur një kërkesë për një vlerësim të së drejtës për kompensim (p.sh. pension për pleqëri) dhe sigurimi i fituar është deklaruar, sipas legjislacionit të një Shteti Anëtar (p.sh. Mbretëria e Spanjës), pas konfirmimit të tij nga institucioni përkatës i huaj, sigurimet llogariten në rast nevoje për dhënien e pensionit.

Foto: BGNES

Përgatiti në shqip: Kostandina Bello

Последвайте ни и в Google News Showcase, за да научите най-важното от деня!

Ndaje

E dobishme: Si marrin pension bullgarët e siguruar në Bullgari dhe vende të tjera të BE-së

Më shumë nga rubrika

Kafshët në Kopshtin Zoologjik të Burgasit marrin dhurata nga Plaku i Krishtlindjeve

Përrallat e Krishtlindjeve prej qelqi apo si ringjallet një traditë e harruar

Banorët e fshatit Zmejovo shënojnë festën e verës së pelinit, recetën e së cilës e ruajnë me xhelozi

Magjia e Krishtlindjes - nga bekimi i lashtë deri te shfaqja e plakut të mirë në trojet tona

Patriku Daniill: Me besim të gjallë, le t'i bëjmë zemrat tona grazhde, që në to të lindë Zoti i Mitur

“Krishtlindjet bullgare” mblodhi 2.9 milionë leva (pothuajse 1.5 milionë euro) për fëmijët në nevojë për trajtim