Shkolla Kombëtare e Muzikës "Ljubomir Pipkov" në Sofje shënon 120 vjet nga themelimi me një koncert dhe ekspozitë.

Jo rastësisht për koncertin u zgjodh data 24 maj - Dita e Vëllezërve të Shenjtë Kirill dhe Metodij, e Alfabetit, Arsimit dhe Kulturës Bullgare dhe e Letërsisë Sllave.Këtë ditë, në sallën e koncerteve "Bëllgaria", në kuadër të edicionit të 55-të të Festivalit Ndërkombëtar "Javët Muzikore të Sofjes", do të mbahet Koncerti Jubilar i Shkollës Kombëtare të Muzikës "Ljubomir Pipkov". Ai i kushtohet 120 vjetorit të themelimit të institucionit arsimor, si dhe 120 vjetorit të lindjes së mbrojtësit të tij, kompozitorit Ljubomir Pipkov.

Filarmonia e të Rinjve "Sofja" dhe Kapela Korale e të Rinjve - të dyja nën drejtimin e maestros Sllavill Dimitrov - do të prezantojnë vepra të kompozitorëve Aleksandër Borodin, Kamij Sen-Sans, Frederik Shopen, Ljubomir Pipkov dhe Panço Vlladigerov.

• Dirigjenti Sllavill Dimitrov – “Jam i lumtur të punojë në një formacion me atmosferë të shkëlqyer”

• Festojmë 125 vjet nga lindja e kompozitorit Panço Vlladigerov

Si të ftuar specialë do të marrin pjesë yjet e dashur dhe me famë botërore pianisti Ljudmill Angellov dhe violinisti Vesko Eshkenazi, gjithashtu të diplomuar në Shkollën Kombëtare të Muzikës "Ljubomir Pipkov".

• Ljudmill Angellov: Gëzohem se jam me publikun tim të dashur bullgar

• Pianisti Ljudmill Angellov prezanton nxënësit e vet të dekoruar nga klasa e tij mjeshtërore në NBU

• Vesko Panteleev Eshkenazi nga shtëpia e tij në Amsterdam

• Vesko Eshkenazi, Ljudmill Agnellov dhe albumi i tyre në ritmin e “Tangos së lirë”

• Ljudmill Angjelllov dhe Vesko Panteleev-Eshkenazi festojnë jubile në “Piano ekstravaganca”

Ekspozita jubilare kushtuar Shkollës mund të shihet nga 21 maj në vet shkollë. Një kulm i saj është zbulimi i një basorelievi të kompozitorit të njohur, emrin e të cilit mban shkolla e muzikës.

Të dy aktivitetet zhvillohen nën patronazhin e Ministrisë së Kulturës.

Redaktore: Diljana Traçeva

Përgatiti në shqip dhe publikoi: Svetllana Dimitrova