Ljudmill Angellov: Gëzohem se jam me publikun tim të dashur bullgar

Pianisti bullgar me famë botërore feston 3х20 me një sërë koncertesh në atdhe

Foto: arkiv

Në fillim të karrierës së tij mbresëlënëse Ljudmill Angellov fitoi një numër çmimesh nga gara prestigjioze ndërkombëtare - "Frederic Chopin" (Poloni), Palm Beach (SHBA), Piano Masters (Monte Carlo) dhe World Piano Masters Tour (Francë). Ai ka dhënë recitale dhe koncerte dhome në disa kontinente dhe ka qenë solist me disa prej orkestrave më të mira në botë, nën drejtimin e emrave të mëdhenj. Disa nga sallat në të cilat ai ka pasur shfaqje janë "Musikverein " në Vjenë, "Concertgebouw" në Amsterdam, "Pleyel " dhe "Gaveau " në Paris, "Lincoln Center" në New York, "La Scala" në Milano, BOZAR në Bruksel, Opera në Monte Karlo, Auditorio Nacional në Madrid, Salla e Konservatorit të Moskës, Filarmonia Kombëtare dhe Opera Kombëtare në Varshavë ... Albumet me interpretimet e tij janë lëshuar nga kompani të mëdha botërore. Sot Ljudmill Angellov është ndër pianistët më të njohur bashkëkohorë, i cili jep koncerte të shumta dhe zhvillon veprimtari aktive pedagogjike. Jeta e tij profesionale është e lidhur me vende të ndryshme, por ai kurrë nuk e ka ndërprerë lidhjen me Bullgarinë dhe publikun Bullgar.

Në fund të qershorit Ljudmill Angellov do të mbushë 60 vjeç. Me këtë rast, Orkestra Filarmonike e Sofjes organizoi tre koncerte që paraqesin aspekte të ndryshme të punës së tij muzikore. Adhuruesit e muzikës klasike tashmë patën mundësinë të dëgjojnë dy prej serisë "3x20".

Ja se çfarë tha pianisti bullgar me famë botërore para mikrofonit të Radio Bullgarisë:

Koncerti i fundit nga tre koncertet "3x20" është një recital solo dhe do të jetë pikërisht në ditëlindjen time - 27 qershor. Unë kam përfshirë në program vepra të Shopenit dhe të pianistëve-kompozitorë të tjerë polakë. Të tria aktivitetet janë pjesë e Festivalit Ndërkombëtar të Javëve Muzikore të Sofjes. Menjëherë pas kësaj do të fillojë klasa ime e radhës master në Universitetin e Ri Bullgar, e cila do të mbahet nga 28 qershori deri më 10 korrik. Koncerti përfundimtar i pjesëmarrësve më të mirë do të jetë në sallën "Bullgaria". Është shumë bukur se Universiteti i Ri Bullgar mbështet talentet e reja edhe këtë vit."

Pianisti shpreson se së shpejti jeta jonë do të kthehet në ritmin e mëparshëm: “Artistët duhet të udhëtojnë, të takojnë audiencën nëpër botë. Artisti është një kozmopolit, ai nuk mund t’i përkasë një vendi konkret. Vitin e fundit kjo dinamikë e zakonshme e jetës sonë u dëmtua për arsye të kuptueshme. Shpresoj se do t'i kthehemi asaj që kemi bërë më parë. Tani jam në Bullgari dhe gëzohem se mund të paraqes para publikut tim të dashur bullgar atë që po bëj."

Përgatiti në shqip: Vesella Mançeva


Më shumë nga rubrika

Fillon Xhaz Festivali në Stara Zagora

Edicioni i nëntë i Festivalit Ndërkombëtar Xhaz Forum , i cili është pjesë e kalendarit kulturor të Bashkisë së qytetit Stara Zagora hapet më 10 qershor në mbrëmje. Të gjitha veprimtaritë do të mbahen në të hapur në zemrën e qytetit antik..

botuar më 21-06-10 6.55.PD

Filarmonia “Pioner” “krah për krah” me Filarmoninë e Sofjes

"Krah për krah" - kështu quhet projekti në të cilin muzikantët e dy orkestrave do të luajnë në një skenë. Ngjarja është pjesë e Festivalit Ndërkombëtar të Javëve Muzikore të Sofjes. Më 8 qershor në sallën “Bullgaria” të kryeqytetit publiku do të..

botuar më 21-06-07 3.24.MD

Kosta Kolev – zbuluesi i thesarit folklorik

“Një klasik në muzikën popullore”, një epokë e tërë për Radion Kombëtare Bullgare” - këto janë njohjet e larta për fizarmonicistin, dirigjent dhe kompozitor Kosta Kolev. Jashtëzakonisht i madh është dhe kontributi i tij lidhur me krijimtarinë..

botuar më 21-05-29 11.45.PD