Arkeologia dhe udhëtare e njohur Prof. Bethany Hughes nis një udhëtim emocionues nëpër Bullgari në episodin e ri "Thesaret me Bethany Hughes", i cili u transmetua në ditën festive të 24 Majit në kanalin Viasat History. Episodi u prit me padurim nga publiku bullgar.
Në episodin e filmuar vitin e kaluar, Bethany udhëtoi nëpër vendin tonë dhe vizitoi disa nga vendet më ikonike të lidhura me historinë tonë mijëvjeçare. Thesari i artë nga Varna e mahniti atë me punimin e tij mjeshtëror. Në Luginën e Mbretërve Trak, historiania britanike shijoi piktura murale jashtëzakonisht të gjalla në një varr 2300-vjeçar. Në Muzeun e Kazanllëkut, ajo zbuloi gjetje të mahnitshme trake, dhe në Bazilikën Episkopale në Plovdiv, u mrekullua me mozaikët e shekujve IV-VI. Vëmendje e veçantë në episod i kushtohet qytetit antik Heraklea Sintika, ku Prof. Hughes zbuloi gjurmët e një bazilike dhe një shenjtërore të lashtë të perëndeshës Nemezida.
Në udhëtimin televiziv, historiania britanike na çon nga Manastiri ikonë i Rilës, i themeluar në shekullin e X-të dhe i përfshirë në Listën e Trashëgimisë Kulturore të UNESCO-së, në fshatin Ribnovo në Rodope, ku prezanton zakonin unik të "vizatimit të nuseve". Në malin Stranxha, Prof. Hughes prezanton ceremoninë e vallëzimit mbi prush, të quajtur bullgarisht nestinarstvo - një ritual i mbushur me misticizëm dhe bukuri.
Historiania dhe prezantuese britanike përfundon rrugëtimin e saj përpara monumentit Buzlluxha, duke e paraqitur atë si një relikte komuniste dhe një simbol të përplasjes mes dhimbjes së kujtimit të së shkuarës dhe rrezikut për të harruar mësimet e saj.
Shikoni të gjithë episodin emocionues të "Thesaret me Bethany Hughes" kushtuar Bullgarisë këtu:
Lexoni më shumë:
Përpoi: Veneta Nikollova
Përgatiti në shqip dhe publikoi: Svetllana Dimitrova
Foto: x.com/bettanyhughes, Bashkia Sozopoll
Më shumë se 1 milion udhëtarë priten në Bullgari për Pashkët, tha për BTA Rumen Draganov, drejtor i Institutit për Analiza dhe Parashikime në Turizëm. Në një periudhë prej rreth 5 vitesh, Pashkët bien në fillim të majit, dhe zakonisht atëherë..
Televizioni japonez Fuji TV filmoi episode të cilat ia prezantojnë Bullgarinë shoqërisë japoneze. Procesi i xhirimeve u krye në bashkëpunim me Ambasadën e Bullgarisë në Tokio, njoftoi përfaqësia jonë diplomatike. Nisma, e cila synon të..
Makinat e Google Street View do të kalojnë sërish përmes Bullgarisë këtë vit. Në muajt e ardhshëm, ato do të vizitojnë mbi 25 qytete, duke përfshirë Smoljan, Zllatograd, Isperih, Kërxhali dhe Pernik. Synimi, përveç aktualizimit të imazheve të qyteteve..
Sezoni aktiv i verës në vendpushimin malor të Pamporovos vuri në lëvizje dy teleferikët kryesorë që çojnë në majën Snezhanka. Nga sot është hapur..
Me përgatitjen e 1500 akulloreve me shurup qershie mbrëmjen e sotme në sheshin “Velbëzhd” në Kjustendill , nis Festivali i Qershisë . Programi do..