Grigor Dimitrov regjistroi paraqitjen e tij më të mirë në Roland Garros. Pas suksesit ndaj Hubert Horkaç, ai do të luajë në çerekfinale, ku e pret italiani Janik Siner. Bullgari ra disa herë në fushë pasi ai nuk donte të humbiste asnjë goditje. Në setin e tretë ai plagosi dorën nga rrëzimi. Duke injoruar gjakun në duar, Dimitrov e përfundoi ndeshjen me një fitore të madhe. “Isha aq i fokusuar te ndeshja sa nuk i kushtova vëmendje. Vetëm më vonë pashë se doreza e raketës sime ishte e mbuluar me gjak. Nuk kam problem. Në fakt më kthen në fëmijërinë time kur luaja në sheshe të ndryshme në shtëpi”, tha tenisti i lindur dhe i rritur në qytetin e Bullgarisë Jugore - Haskovo.