Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

"Kur të takova" - kitaristi Mirosllav Ivanov me një këngë solo

Foto: Facebook /Mirosllav Ivanov

Mirosllav Ivanov është një kitarist, aranzhues dhe autor i muzikës, i cili është i pranishëm në shumicën e grupeve dhe projekteve më interesante të muzikës bashkëkohore bullgare.

Ai gjithashtu ka tre albume solo me muzikë instrumentale - "Directions" (2013), "Circus" (2016) dhe "Little Alien" (2019). Por vetëm për shkak se është një nga kitaristët më të kërkuar nuk do të thotë se ai nuk mundet dhe nuk i pëlqen të këndojë. E dëgjojmë si në grupin e tij “Safo”, ashtu edhe në këngën e tij të parë solo “Cëk”, nga viti i largët 2013. Tani, 11 vite më vonë, Miro është gati me këngën e tij të dytë solo – “Kur të takova”.


"Të kënduarit është diçka që ka qenë gjithmonë në zemrën time dhe unë e dua shumë. Por nuk e kam pasur tekstin e duhur. Nuk jam nga ata këngëtarë që mund të këndoj gjithçka. Dua që teksti të më prekë shumë, dhe pastaj mund ta këndoj mirë, me diksion të mirë, pastaj respektoj çdo shkronjë, çdo tingull. Thjesht e prisja momentin e duhur me një tekst të mirë”, thotë Miro.

Për këngët e tij Mirosllav Ivanov gjithmonë krijon së pari muzikën, sepse nëse e krijon muzikën në bazë të tekstit, duhet të përputhet me ritmin e tekstit. Siç thotë ai në pjesën "Melofobia", ku merr pjesë - që të ketë muzikë, së pari duhet të ketë heshtje, sepse në heshtje artisti mund të dëgjojë shpirtin e tij dhe vetëm atëherë do të shfaqet muzika. Dhe tekstshkruesi e vesh këtë muzikë me fjalë.


Heshtjen në "Kur të takova" Mirosllav Ivanov e dëgjoi akoma gjatë pandemisë, kur ai kishte shumë kohë të lirë, ishte ende beqar, pa fëmijë - atëherë u shfaq muzika. Por që pasi vëllai i Miros - Svetlin Ivanov - shkroi tekstin erdhi momenti i realizimit. Për të, Miro iu drejtua Borisllav Bojaxhievit - Borçe në bateri, ndërsa për basin u ftua Aleksandër Obretenov.

Kënga është shumë personale për Miron, sepse teksti i "Kur të takova" rezulton të jetë profetik - në të Svetlin përshkruan një histori, dhe më vonë Miro takohet në mënyrë të ngjashme me gruan e tij Maria Koceva, e cila mori pjesë në videon e xhiruar nga Vasill Stefanov dhe Stefka Nikollova.

Dëshira e Mirosllav Ivanov është që të bëjë një album të tërë me këngët e tij në bazë të teksteve të vëllait të tij Svetlin dhe tashmë është duke punuar për këngën e radhës.


Foto: Facebook /Mirosllav Ivanov, Radio Sofja
Përgatiti në shqip dhe publikoi: Vesella Mançeva


Последвайте ни и в Google News Showcase, за да научите най-важното от деня!

Më shumë nga rubrika

Orlin Goranov shënon 50 vjetorin në skenë me një turne

I preferuari i disa gjeneratave, magjepsësi i përjetshëm me zë prej kadifeje, Orlin Goranov, shënon 50 vjetorin në skenë me një turne. I pari nga koncertet është në Plovdiv më 26 qershor, pasuar nga pesë të tjera në qytetet më të mëdha të vendit...

botuar më 24-06-26 8.10.PD

“Pikëpyetje të mahnitshme”… Stefan Vëlldobrev dhe "Të dyshuarit e zakonshëm" po shkojnë në turne

Stefan Vëlldobrev dhe "Të dyshuarit e zakonshëm" i pret një verë e nxehtë - më 27 qershor, ata do të fillojnë një turne në mbarë vendin, duke filluar nga qyteti Ruse, në të cilin do të prezantojnë albumin e ri "Pikëpyetjetë mahnitshme". Ai..

botuar më 24-06-25 8.20.PD

“Fenomen” – një këngë me një mesazh të fortë

Shumë energji rinore rrjedh nga kënga "Fenomen" e Niki R:ce. Ky është emri artistik i këngëtares Nikoll Rizova, e cila ishte pjesë e grupit të fëmijëve “Bon-Bon” . Pranë saj si në muzikë ashtu edhe në jetë është Cvetan Marinov, të cilin e njohim..

botuar më 24-06-21 8.10.PD