Në moshën 81-vjeçare vdiq gazetari i njohur bullgar dhe internacionalist Ivan Garellov. Prezantuesi televiziv dhe autori i programeve të rëndësishme politike ka ndërruar jetë mëngjesin e sotëm në neuroreanimacionin e spitalit të trajtimit urgjent "Pirogov". Ai u dërgua atje me shpejtësi pas një traume në tru në mes të korrikut të këtij viti.
Ivan Garellov e filloi karrierën e tij gazetareske në Televizionin Bullgar (sot BNT) në vitin 1972 si reporter. Më pas, për 21 vjet drejtoi programin politiko-informativ “Panorama”. Në fillim të tranzicionit krijoi programin gazetaresk të mbrëmjes “Ekipi 4” në televizionin publik kombëtar. Pas vitit 2000 punoi për një kohë të shkurtër në Nova TV si shef i departamentit të lajmeve dhe më pas drejtoi programe në bTV dhe TV7. Gjatë viteve, Garellov ka mbuluar ngjarjet në Qipro dhe Greqi, duke intervistuar një sërë shtetarësh dhe personalitetesh të shquara nga fqinji ynë jugor, raporton BNT. Ai është autor i librave të shumtë, ndër të cilët i fundit ka të bëjë me konfliktin në Lindjen e Mesme, për të cilin gazetari tregon nga veta e parë.
Para aksidentit, Ivan Garellov ishte duke punuar mbi librin e tij të fundit në vendpushimin e Detit të Zi "Sveti Vllas".
Në ngushëllimet e tij, kreu i shtetit Rumen Radev deklaroi: "Profesionalizmi i Ivan Garellovit u ndërtua jo vetëm mbi baza të qëndrueshme morale, erudicionin e madh dhe standardet gazetareske, por edhe mbi një ndërgjegje qytetare, të cilën ai e mbrojti nga ndërhyrjet e papastra për t'u bërë një shembull i gazetarisë së guximshme. Sipas fjalëve të Radevit, Ivan Garellov “ishte i vetëdijshëm për përgjegjësinë e tij si një personazh publik dhe nuk u tërhoq nga përkushtimi ndaj së vërtetës për të përmbushur misionin e tij më të rëndësishëm - t'i shërbejë shoqërisë me qëndrimet e tij kritike dhe të paanshme. “Leximi objektiv i tij i ngjarjeve ishte një udhërrëfyes i besueshëm për publikun dhe një pjesë thelbësore e përpjekjeve për të mbështetur pluralitetin e opinioneve në mjedisin mediatik në vendin tonë”, theksoi presidenti.
U prehtë në paqe!
Foto: BGNES, Rumen Radev - Facebook
Gjatë natës do të jetë e kthjellët dhe pothuajse e qetë. Ditën e mërkurë do të mbajë mot kryesisht me diell. Pas mesditës do të zhvillohen vranësira dhe në vendet e izoluara në zonat malore dhe lindore do të bien reshje të shkurtra shiu..
“Bullgaria është e përgatitur për Shengenin dhe ne nuk e kuptojmë pse nuk është pjesë e kësaj hapësire.” Kështu deklaroi ministri i punëve të jashtme të Hungarisë Peter Sijarto në Bukuresht, ku mori pjesë në takimin e tetë në nivel të ministrave të..
Projekti për ndërtimin e njësive të 7-të dhe të 8-të në termocentralin bërthamor të Kozlloduit është strategjik për Bullgarinë dhe Evropën. Këtë e theksoi ministri në detyrë i energjetikës Vlladimir Malinov, gjatë vizitës së tij në Seul në një takim..
Komisioni Qendror i Zgjedhjeve (KQZ) vendosi në një mbledhje të jashtëzakonshme që të pranojë paralelisht aplikimet për pjesëmarrje në zgjedhje edhe..
Gjatë vizitave të punës në Seul dhe Tokio, ministri në detyrë i energjisë Vlladimir Malinov do të nënshkruajë marrëveshjet e miratuara nga qeveria disa..
Gjatë natës do të jetë kryesisht i kthjellët dhe kryesisht i qetë. Ditën e martë do të jetë me diell. Pas mesditës do të zhvillohen vranësira..
Pjesërisht me re
Vranësira të dendura