Ambasadori i Bullgarisë në Maqedoninë e Veriut Zheljazko Radukov zhvilloi në Shkup një takim me ministrin e çështjeve evropiane Orhan Murtezani, raporton BTA. Murtezani shprehu shpresën për zgjedhje të suksesshme parlamentare në Bullgari, si një hap i rëndësishëm për përparimin e marrëdhënieve dypalëshe.

Ai nënvizoi përkushtimin e fortë të Shkupit për agjendën evropiane. Të dy vunë në dukje rëndësinë e forcimit të besimit dhe bashkëpunimit të ndërsjellë në kuadrin e integrimit evropian, "i cili duhet të konsiderohet si një prioritet i përbashkët strategjik".

Gjithashtu u theksua "angazhimi për një dialog konstruktiv dhe transparent për promovimin e fqinjësisë së mirë dhe zgjidhjen e sfidave të përbashkëta në frymën e bashkëpunimit dhe partneritetit".

Takimi u mbajt disa orë para vizitës në Shkup të kryetares së Komisionit Evropian, Ursula von der Leyen.