Raportimet e shumta për manipulim të votës së qytetarëve bullgarë, për falsifikim të fletëve të votimit, për shtim votash, për vota të detyruara, të kontrolluara dhe të blera, të cilat përhapen në mjedisin publik pas zgjedhjeve të jashtëzakonshme parlamentare, kërkojnë reagim të menjëhershëm nga institucionet e thirrura për kontrolluar ligjshmërinë. Kështu thuhet në një deklaratë për media nga Byroja Ekzekutive e Partisë Socialiste Bullgare (BSP).

Nëse analiza e shkeljeve zgjedhore, të cilën kryeministri në detyrë Dimitër Glavçev ka deklaruar se do t'ia japë ministrit të brendshëm, nuk hedh dritë mbi iniciatorët dhe organizatorët e falsifikimit të votimit, kjo do të vërë në pikëpyetje pavarësinë e organeve që përgjigjen për zbatimin e ligjit nga presioni i prapaskenës, thekson e majta.

Ata këmbëngulin për një reagim të shpejtë nga prokuroria, sepse në rast të kundërt parlamentarizmi - themeli i sistemit tonë demokratik – mund të komprometohet dhe të shkatërrohet në mënyrë të pakthyeshme.