Nga marmelata e shalqinit e deri tek Dita e Dervishëve - cilat janë "Thesaret e gjalla njerëzore" të Bullgarisë

botuar më 24-12-12 7.35.PD

Foto: Atanaska Ivanova - "Iskra 1898", Borovo

Tetë tradita autentike bullgare dhe auftësi të përcjella brez pas brezi nga pjesë të ndryshme të vendit u bënë pjesë e Listës Përfaqësuese Kombëtare të Trashëgimisë Kulturore Jomateriale dhe kështu u bënë pjesë e "Thesareve të gjalla njerëzore" të Bullgarisë. "Këtë vit, nisma ishte një sukses i madh. Ne morëm 22 aplikime dhe të gjitha ishin shumë interesante," – tha për Radio Bullgarinë Sillva Haçerjan - Drejtore e Drejtorisë për "Bashkëpunim Ndërkombëtar, Programe Evropiane dhe Aktivitete Rajonale" pranë Ministrinë e Kulturës, e cila është mes nismëtarëve të fushatës për mbledhjen e nominimeve. Ajo zhvillohet çdo dy vjet dhe është pjesë e programit pilot të UNESCO-s "Thesare të gjalla njerëzore". Ideja është të dokumentojmë një element të trashëgimisë sonë kulturore jomateriale dhe mbi të gjitha të inkurajojmë bartësit e saj. Këta janë njerëzit që mbajnë gjallë traditat dhe aftësitë popullore të kërcënuara nga zhdukja.

Këto janë thesaret e reja të gjalla njerëzore të Bullgarisë:

Dasëm tradicionale nga fshati Ribnovo dhe nusja e shkruar – ose siç e quajnë ndryshe gelina

“Nuset e vizatuara nuk qajnë” – një film dokumentar për dasmat përrallore në fshatin Ribnovo

Valle autentike nga fshati Vrëv, rajoni i Vidinit

Mjeshtri i ri Bojan Minçev – sheqerxhi (pastiçier) i gjeneratës së tretë

Përgatitja e zellnikut (byrek) tradicional të Kjustendillit

Zellnik, skrob, picë me drithëra të plota dhe bozë - fshatrat e Kjustendilit si destinacione tërheqëse gastronomike

“Dita e Dervishëve” e prezantuar nga Grupi Dervish në fshatin Cerovo të Pazarxhikut. Festa mbahet në Sirni Zagovezni (E Diela e të Lidhurit të Djathit).

Dervishët në trojet tona - legjendat dhe misteret rreth teqesë së fshatit Bivoljane

Gatimi i hallvës së bardhë për Sirni Zagovezni

Përgatitja e marmelatës së shalqinit sipas teknologjisë tradicionale në fshatin Smilec, Silistra.

Lyerja e vezëve të Etropolesë me një teknikë të vjetër dylli – prezantuar nga Muzeu Historik në Etropole.

"Thesaret e gjalla njerëzore" të reja do të publikohet në faqen e Ministrisë së Kulturës, ku mund të shihen edhe të gjitha aplikimet nga çdo rajon i vendit. Dhe të gjithë mund t'i kontaktojnë këta njerëz, të shkojnë dhe të shohin se çfarë bëjnë aty në vend, sepse kjo është jashtëzakonisht interesante dhe ka një element edukativ. Ato kanë një potencial të paçmuar për turizmin vendas, për bullgarët dhe të huajt që janë të interesuar për këto gjëra”, shpjegon Sillva Haçerjan.

Të veçuarit morën personalisht një certifikatë për kontributin e tyre në ruajtjen dhe promovimin e identitetit tonë kulturor kombëtar nga zëvendësministri i Kulturës Kalin Veljov, si dhe një garanci se do të mbështeten nga shteti që të vazhdojnë të përmirësojnë aftësitë e tyre dhe t'ua përcjellin brezave të tjerë, mësojmë nga Sillva Haçerjan.

"Ideja është që këta njerëz në komunitetin e tyre, ose grupet dhe individët bartës, siç përdorim ne terminologjinë e konventës së UNESCO-s, t'i ruajnë çdo ditë këto elemente, njohuritë dhe aftësitë e tyre tradicionale. Ata e bëjnë këtë duke rekrutuar vazhdimisht të rinj, që të vazhdojnë të mësojnë prej tyre. Ky është kuptimi i kësaj nisme. Nga ana e Ministrisë së Kulturës, ne i mbështesim këta bartës të trashëgimisë sonë kulturore jomateriale me programe të ndryshme për të cilat mund të aplikojnë, të përgatisin projekte për të marrë atë që u nevojitet dhe ta çojnë këtë traditë përpara”, përfundoi Sillva Haçerjan.

Më 17 dhjetor nën kupolën e Largos në Sofje do të hapet ekspozita “Thesare të gjalla njerëzore-Bullgari”, e cila do të prezantojë 44 elemente të trashëgimisë sonë kulturore jomateriale, të regjistruara në periudhën 2008-2024. , duke përfshirë shtesat më të reja të këtij viti.

Foto: Ministria e Kulturës, Veneta Nikollova, BTA, Muzeu Historik - Etropole, Atanaska Ivanova, Biblioteka "Iskra 1898" - Borovo

Përgatiti në shqip dhe publikoi: Kostandina Bello

Последвайте ни и в Google News Showcase, за да научите най-важното от деня!

Ndaje

Nga marmelata e shalqinit e deri tek Dita e Dervishëve - cilat janë "Thesaret e gjalla njerëzore" të Bullgarisë

Më shumë nga rubrika

Tradita e daullexhinjve ose ndryshe kush i zgjon myslimanët gjatë Ramazanit

Në Rodopet tingulli i gajdes është një magji, për të cilën tregon një muze lokal

Kukeri, pleq, babugeri, çaushi... Fshati Turija pret lojëra maskarade