7
Kisha e Bojanës do të jetë një qendër tërheqëse për delegatët e sesionit të 47-të të Komitetit të Trashëgimisë Botërore të UNESCO-s, të cilët do të mblidhen në Sofje në korrik të këtij viti. Kisha “Shën Nikolla dhe “Shën Pantelejmoni” është një nga simbolet kulturore të Bullgarisë dhe është në listën e monumenteve që vendi ynë si mikpritës do t'u prezantojë pjesëmarrësve në forum.
Kisha e Bojanës bën përshtypje me afresket e saj të mrekullueshme mesjetare, duke përfshirë imazhet e dhuruesve të viteve 1258/59 të çiftit sebastokrator Kallojan dhe Desisllava dhe të familjes sunduese bullgare të asaj kohe – Mbreti Konstantin Tih Asen (1257 - 1277) dhe Mbretëresha Irina. Stili i mbishkrimeve muraleve është i lidhur me traditat e Shkollës së Pikturës së Tërnovos nga shekulli i XIII-të. Mjeshtri i panjohur i imazheve i përmbahet ikonografisë klasike.
Një fakt kurioz është se kisha përmban edhe pikturën e parë murale me imazhin e murgut të përulur nga mali i Rillës dhe mbrojtësit qiellor të popullit bullgar, Shën Ivan Rillski, e cila daton në 1259.
Edhe afresku me skenën e Darkës së Fundit daton nga i njëjti vit (për krahasim, Leonardo da Vinci punoi në afreskun e tij "Darka e Fundit" në 1495). Kompozimi i këtij afresku në Kishën e Bojanës është më i ndryshëm. Jezusi është pikturuar në të majtë, dhe për më tepër, janë të pranishëm vetëm 11 apostuj. Juda përshkruhet sikur shtrihet në tryezë dhe identifikohet si ai për faktin se është pa aureolën e një shenjtori. Një tjetër element interesant është ushqimi në tryezë, i cili përfshin rrepa dhe qepë - ushqim që lidhet më shumë me kuzhinën tradicionale të Bullgarisë, dhe nuk është pjesë e përshkrimit ungjillor të skenës.
"Shkalla me të cilën vizatohen njerëzit korrespondon plotësisht me shkallën e një personi real. Edhe në vendet ku figurat duhet të reduktohen, ato janë tredimensionale, shihet lëvizje, perspektivë - e gjithë kjo gjendet në një mënyrë komplekse për herë të parë në botë në "Kishën e Bojanës" - thotë historiania dhe kuratorja në Kishën e Bojanës Stanimira Dojçinova në programin "Radio Sofja" të Radios Kombëtare Bullgare.
Lexoni më tepër:
Përpiloi: Gergana Mançeva
Foto: boyanachurch.info, historymuseum.org
Përgatiti në shqip dhe publikoi: Vesella Mançeva
Më 10 nëntor 1989, në një mbledhje të Komitetit Qendror të Partisë Komuniste Bullgare (BKP), Todor Zhivkov u lirua nga posti i Sekretarit të Përgjithshëm - posti më i lartë në parti dhe në shtet. Ajo që ndodhi në takim më vonë do të përkufizohej si një..
Arkeologët zbuluan një shishe qelqi shumë të rrallë dhe të vlefshme në një varr të shekullit të II-të në nekropolin jugor të kolonisë romake Deultum pranë fshatit Debellt /Bullgaria Juglindore/. Gjëja unike është se ajo përshkruan mitin e përbindëshit..
Kisha jonë Ortodokse kremton sot Mbledhjen e Shën. Kryeengjëllit Mihail, udhëheqës i ushtrisë qiellore dhe hierarkive engjëllore të patrup, që mundi forcat e errësirës. Është një nga festat më të rëndësishme të krishtera fikse të vjeshtës, e quajtur edhe..
Shkolla e Lartë Detare “Nikolla J. Vapcarov” në Varna festoi 144 vjetorin e themelimit. Gjatë të gjitha këtyre viteve institucioni arsimor ndjek tendencat..
Shi bore
Reshje shiu/dëbore
Vranësira
Dëborë 