Një spektakël i ndritshëm prej tingulli dhe drite në skenën e një kulle prej 30 metrash grumbulloi banorët e Plovdivit dhe të gjithë vizituesit e qytetit në bulevardin qendror të qytetit të Plovdivit “Car Boris III Obedinitell” (“Mbreti Boris III Bashkuesi”). Megjithë motin e ftohtë aktiviteti i hapjes së iniciativës së shpalljes së Plovdivit Kryeqytet Evropian i Kulturës 2019 tërhoqi rreth 10 000 veta (sipas të dhënave të policisë së Plovdivit), të cilët erdhën që të ndiejnë live atmosferën e festës. Qindra mijë bullgarë nga vendi dhe jashtë gjithashtu e ndoqën shfaqjen para televizorit. Qyteti i kodrave, si zakonisht e quajnë Plovdivin, në të vërtetë ka se çfarë të tregojë – një të kaluar të pasur të lashtë, arkitekturë të ruajtur rilindëse, art... Publiku kishte dëshirë për të parë pikërisht atë, që i magjeps vizituesit dhe ata duan të kthehet përsëri atje.
Që ta prezantojnë shumëllojshmërinë kulturore të qytetit evropian, autorët e skenarit shpresonin më shumë te simbolika dhe efektet bashkuese, sesa te ritmet autentike bullgare. Ansambli për valle popullore “Trakia” nën dirigjimin e regjisorit teatral zviceran Gustav Rueb i befasoi spektatorët me një valle moderne të animuar në sfondin techno. Në vend që të vishen me kostumet e bukura popullore bullgare, valltarët ishin veshur me rroba të ngjyrshme që ngjajnë me veshjet e samurajëve. Elementet e folklorit ruheshin për fillimin dhe fundin e shfaqjes, ndoshta që t’ia vendosin kornizën pikturës shumëngjyrëshe me interpretimet e fyelltarit të njohur Teodosij Spasov dhe të këngëtares së dashur bullgare Valja Ballkanska, zëri i së cilës u dëgjua në Kozmos në pllakën e artë të “Voyager”. Simbolet e Plovdivit – kodrat, të cilat janë prezantuar në një mënyrë pak enigmatike në logon e Kryeqytetit Evropian të Kulturës, nuk u panë në errësirë, në vend që të gjallërohen me ndihmën e projektorëve – rreth 350. Në shoun me drita nuk u përfshinë as Teatri Antik, as madje tempujt përreth. Për llogari të kësaj “Kulla e Babelit”, siç shumë prej vizituesve e quajnë me shaka skenën grandioze me mbi 1500 interpretuese, ngjante me diskotekë nën yjet, ku të gjithë vallëzonin dhe këndonin.
Shumë prej spektatorëve vunë në dukje me trishtim se u mungon shpirti i Plovfivit dhe jo sepse janë kritikë të këqij, por sepse kanë një përfytyrim më të ndryshëm për pamjen kulturore të qytetit, qytetet ky të cilin e duam të gjithë ne. I kemi parë edhe spektaklet “Tingilli dhe drita” në Veliko Tërnovo, ku bukuria e kështjellës “Carevec” gjallërohet me tërë shkëlqimin e saj.
Pikërisht këtë e prisnin qytetarët e Plovdivit, këtë e prisnim të gjithë ne, të cilët e mbajmë Plovdivin në zemrën tonë. Sepse Plovivi është më shumë sesa kjo që u prezantua.
Afishja kulturore e projektit na jep premtime dhe megjithë problemet rreth remonteve të sallonit kinematografik “Kozmos” dhe të sallës së koncertit të gjithë shpresojmë dhe besojmë në potencialin e banorëve të qytetit për ta zbatuar mirë detyrën e mikpritësve të aktiviteteve kulturore me dimensione evropiane.
Përgatiti në shqip: Vesella Mançeva
“Dikur në Bolonja ndërtuan një pallat akulloresh pikërisht në Sheshin e Madh dhe fëmijët vinin nga larg për të ngrënë akullore” – me këto fjalë fillon tregimi “Pallati prej akulloreje” nga libri “Përralla në telefon” të autorit Gianni Rodari, një nga..
Një ankand kushtuar artit bullgar modern dhe të pasluftës, duke përfshirë një përzgjedhje prej 104 veprash arti, do të mbahet në Sofje më 2 prill në Hyatt Regency Sofia, njoftoi BTA. Ndër eksponatet janë vepra ikonike të Jarosllav Veshinit dhe tre..
Kisha "Shën Nikollaj" e mjeshtrit Kolju Fiçeto në Veliko Tërnovo mori statusin e monumentit të kulturës me rëndësi kombëtare, raportoi korrespondentja e BNR Zdravka Masljankova nga Veliko Tërnovo. Në këtë mënyrë do të gjenden dy milionë eurot e..
Midis biologjisë dhe ikonografisë kishtare, tangjentet janë të panjohura dhe të pakuptueshme për ata që i janë kushtuar shkencës. Për Ekaterina Titovën,..