Plani i veprimit kundër dezinformacionit, përgatitja e takimit të rregullt ministror BE – Liga e Shteteve Arabe, bashkëpunimi mes BE-së dhe ASEAN-it ishin temat kryesore të mbledhjes së parë për këtë vit të Këshillit “Punë të Jashtme”, që u zhvillua në Bruksel. Delegacioni bullgar udhëhiqej nga Zëvendëskryeministrja për Reformën Gjyqësore dhe Ministre e Punëve të Jashtme Ekaterina Zaharieva. Ajo nënvizoi se dezinformacioni është një prej sfidave më të mëdha për sigurinë e Bashkimit. Ministrat ishin unanimë se ka nevojë jo vetëm për zbulim të shpejtë të rasteve të dezinformacionit, por edhe për shpalljen e tyre publike dhe se asnjë vend nuk mund t’i përballojë vetë problemet. U theksua se BE-ja do të bahskëpunojë mbi këtë temë me NATO-n dhe G 7-ën.