Radioja Kombëtare Bullgare © 2020 Të gjitha të drejtat janë të rezervuara

Kampioni Evropian Ergünal Sabri: Boksi është art

Ergünal Sabri-Ogi fitoi një kupë dhe medalje të artë për Bullgarinë në turneun memorial “Živorad Rajshiç Rajsha” zhvilluar në qytetin serb Shabac. Në turneun më 23-24 nëntor ai garoi për Skuadrën Kombëtare të Boksit.

Morën pjesë vetëm vendet ballkanike Serbia, Kroacia, Maqedonia dhe më ra si kundërshtar sportisti më i mirë nga ana e mikpritësve, serbi Omer Ametoviç. Munda ta mposht. Vet ndeshja qe, po të mund kështu të thuhet, një atraksion i madh, sepse kundërshtari im qe i lindur në qytetin Shabac dhe i gjithë publiku qe në anën e tij. Por unë  jam shumë i kënaqur nga vetja ime”, tregon për turneun Ergünal Sabri.

Boksieri 18 vjeç mëson në gjimnazin gjuhësor “Hristo Botev” në qytetin Kërxhali. Tanimë ka arritur dhe suksese të mëdha në sportin e tij të dashur - ai është kampion evropian për dy herë me radhë në vitin 2019 /tek të rinjtë dhe tek meshkujt/, 11 herë kampion i Bullgarisë dhe dy herë sportist i vitit i qytetit Kërxhali.

Pas boksit Ergünal është pasionuar fare rastësisht. Në moshën 11 vjeçe - siç shpjegon dhe vet ai - ka qenë në stërvitje e futbollit dhe e ka kuptuar se në qytetin Kërxhali ka një turne në boks. E ka parë, dhe pas fundit të turneut ka marrë vendim të regjistrohet në stërvitjet në klubin “Arda boks”, ku njihet dhe me trajnerin e tij të parë Stojan Uzunov.

Ergynall me trajnerin Stojan Uzunov

Pash se ka një talent tek ky fëmijë. Filluam stërvitje serioze. Pas dy vjetëve stërvitje nuk kishte fituar asnjë medalje, por unë pash tek ai një potencial, të cilin ai e ka, tregon trajneri Stojan Uzunov dhe kujton rastin nga viti 2013: Kemi një traditë, që të gjithë boksierët e shquar dhe të dalluar t'i fotografojmë në mënyrë individuale me medaljet, të cilat i kanë fituar. Doja të fotografoj dhe Ergünal Sabri . Kur bënim kalendarin ai më pyeti: “Trajner, unë nuk kam medalje, përse më nxjerrë në foto individuale? Çfarë do të shkruajmë poshtë? Unë nuk  kam arritur asgjë “I thash: Djali im, do të shkruajmë “Projekt kampion olimpik”. Pavarësisht se kjo , të cilën e ka arritur deri në këtë moment aspak nuk është pak, unë besoj  se, sukseset e vërteta të Ergjunalit janë në të ardhmen. Jo vetëm sepse ai ka një potencial, por ai ka një disiplinë, e cila në boks takohet shumë rrallë. Shpresoj se, herët ose vonë do të arrijë suksese të mëdha në boks. Në Bullgari ai nuk ka pasur asnjë humbje as tek meshkujt, as tek të rinjtë.”

Stojan Uzunov  aktualisht  është trajneri i vetëm dhe kryetar i klubit “Arda boks”. Shpreson se pas kohe Ergünal ta trashëgojë dhe si trajner. Stërvitjet e “kampionit të ardhshëm olimpik” janë çdo ditë nga një orë e gjysmë. Por veç kësaj pas orëve të mësimit në shkollë, Ergüna bën një stërvitje individuale, për shembull vrapim. Kështu koha e përgjithshme, të cilën ai e ndan  për përgatitje sportive bëhet katër orë në ditë. Çfarë i jep sporti, përveç emocioneve nga fitoret dhe dekoratat? 

“Si tërësi çdo gjë, sporti të edukojë, thotë Ergünal Sabri. Krahas kësaj më ka dhënë edhe emocione dhe shokë të rinj. Të gjitha.”

Pas klasës së 12 Ergünal përsëri ka ndërmend të gërshetojë mësimet, karrierën dhe sportin. Kurse sa i përket sekreteve të kësaj disipline, talenti i ri tregon:

Boksi nuk është të ngjitesh thjesht në ring dhe të luftosh. Boksi është një art. Shikon që të tregosh lëvizje të reja. Goditje, por nuk është si një rrahje në rrugë. Boksi ka rregulla, pika, rezultate...

Sa u përket boksierëve, të cilët ai i ka si shembull në jetë dhe në karrierë, Ergünal Sabri përmend:

Boksierët bullgarë Ivajllo Marinov, Serafim Todorov, Daniell Petrov, Petër Lesov, Gjeorgji Kostadinov – këta janë disa nga boksierët më të mirë si tërësi në boksin bullgar.”

Përgatiti në shqip: Nataniela Vasileva

Foto: Radio Kërxhali

Më shumë nga rubrika

Sonja Radeva dhe historitë e saj me patinazh në akull

Sonja Radeva bën zgjedhjen e vet jetike kur është 4 vjeçe, kur shkon në sheshin e patinazhit me nënën dhe me motrën e saj dhe vesh për herë të parë patinat e dimrit. Kuptohet se atëherë ajo nuk e kupton këtë. Me kalimin e kohës vijnë dhe pasioni dhe..

botuar më 20-10-22 1.16.MD
Hristo Stoiçkov

Bullgari Hristo Stoiçkov me nominim për skuadrën ideale për ta gjitha kohërat

Futbollisti bullgar Hristo Stoiçkov bashkë me 9 futbollistë të tjerë u nominua për sulmuesin më të mirë të majtë në historinë e futbollit. Nominimi është në kuadrin e iniciativës së botimit francez France Footboll për caktimin e skuadrës ideale për..

botuar më 20-10-20 11.35.PD
Aleksandër Georgiev

Hokeisti bullgar Aleksandër Georgiev nënshkroi kontratë me New York Rangers

Aleksandër Georgiev nënshkroi një kontratë të re me skuadrën e Ligës Kombëtare të Hokejit New York Rangers, bëri të ditur Associated Press, cituar nga BTA. Kështu ai bëhet bullgari i vetëm deri tani në historinë e Ligës Kombëtare të Hokejit...

botuar më 20-10-16 10.28.PD