Radioja Kombëtare Bullgare © 2020 Të gjitha të drejtat janë të rezervuara

Artistja Allbena Pavllova: I gëzohemi përkrahjes së publikut me gjithë situatën e vështirë

Foto: theater.bg

Një nga masat e ndërmarra për kufizimin e rasteve të reja të infektimit me koronavirusin ishte heqja e të gjitha veprimtarive në të cilat mblidhen shumë njerëz. Përveç formacioneve muzikore dhe muzikantë të veçantë, këtë masë e respektojnë edhe trupat teatrore. Si rezultat sallonet e teatrove mbetën boshe. Megjithëkëtë admiruesit e artit teatror nuk mbetën gjatë pa shfaqjet e dashura. Teatri bashkiak “Vëzrazhdane” në kryeqytet filloi të transmetojë online disa vepra të preferuara nga publiku në sallonin bosh. Kështu më 10 mars para “publikut nën karantinë” dhe në sallonin bosh, u shfaq pjesa e shkrimtarit dhe dramaturg rus Anton Pavlloviç Çehov “Xha Vanjo”, ndërsa më 14 mars – shfaqja “Alo, alo” nga Jeremy Lloyd dhe David Croft. Vallë, a ka mundësi që këto transmetime online të tërheqin një publik të ri i cili pas përfundimit të gjendjes së jashtëzakonshme dhe hapjes së teatrove të fillojë të frekuentojë shfaqjet? Këtë e pyetëm artistja Allbena Pavllova, e cila mendon:

"Më duket si një skenar i mundshëm megjithëqë nuk kam menduar për këtë. E vetmja që ngjall shqetësim është se artistët mblidhen për të luajtur shfaqjen, por ideja është që të mos grumbullohen shumë njerëz në një vend. Mirëpo, efekti pozitiv është fakt dhe ka të ngjarë se mund të provokojë interesin e më shumë njerëzve ndaj shfaqjeve teatrore."

Në një intervistë kryetari i Lidhjes së Artistëve në Bullgari Hristo Mutafçiev ishte kategorik, se pagat e artistëve gjatë periudhës nën karantinë do të shlyhen. Ai shtoi, se do të ngulë këmbë të shfrytëzohen fonde nga të cilat ata të shpërblehen pas krizës. Mirëpo, sipas artistes Allbena Pavllova në situatën e tanishme:

"Të moshuarit kanë më shumë nevojë për ndihmë. Kështu që në se ka domosdoshmëri do të jetë më mirë që këto mjete të shfrytëzohen për ta. Ne punojmë dhe do të përballojmë situatën. Herët ose vonë gjërat do të normalizohen dhe publiku do të rikthehet në sallonet. Dhe jam optimiste për këtë sepse në Sofje shumë pak janë biletat që rikthehen. Njerëzit më shpesh telefonojnë për të pyetur kur do të ketë shfaqje, jo kur mund të rikthejnë biletat e tyre. I gëzojmë përkrahjes së publikut që prej vitesh. Kështu që nuk mendoj se publiku do të tërhiqet dhe nuk do të ketë nevojë për shfaqje teatrore."

Sipas artistes Allbena Pavllova me gjithë bezditë që krijojnë masat kundër përhapjes së virusit janë me kohë dhe shtabi i krijuar për përballimin e krizës “punon me profesionalizëm të jashtëzakonshëm, me disiplinë dhe me përgjegjësi për të gjithë ne”. “Në fund të fundit ritmi i jetës do të rivendoset dhe është çështja e kohës që kjo të ndodhë. Mirëpo, është e qartë se tani është koha të qëndrojmë në shtëpi” – shtoi artistja. Paniku dhe blerja e pakontrolluar e mallrave ushqimore, të cilëve jemi dëshmitarë ditët e fundit, janë reagim i tepruar.


"Atë të cilën e dëshiroj të këshilloj njerëzit është që të mos kenë frikë, të bëjnë atë që duhet dhe të respektojnë vet izolimin e rekomanduar – është kategorike artistja. – Këtë duhet ta bëjmë për të afërmit dhe për veten. Gjëja tjetër e rëndësishme është të marrim vitamina, të pimë çaj, të pastrojmë sipërfaqet me alkool, të lajmë shpesh herë duart. Këto janë gjëra të rëndësishme të cilat shpëtojnë jetën."

Përgatiti në shqip: Svetllana Dimitrova

Foto: theater.bg, Emill Nikollov

Më shumë nga rubrika

Në qytetin Stara Zagora tregojnë piktura të vjetra nga muzeu i kolegjit të dikurshëm francez “Shën Augustin”

Koleksioni i mbledhur dekada të tëra prej murgjve në muzeun e ish kolegjit francez “Shën Augustin” ndodhet për vizitë në Galerinë Arteve Gigurative në qytetin Stara Zagora deri më datë 20 tetor, informon Agjencia Telegrafike Bullgare. Pjesa më e..

botuar më 20-09-27 5.10.PD

Veshje popullore nga koleksioni i mbretëreshës Joanna për herë të parë para publikut

Pas suksesit të madh të projektit të parë “ArtDiplomacy” (“Art për diplomacinë”) piktorja e talentuar Petja Ilieva përsëri prezanton pasurinë dhe bukurinë e popujve të ndryshëm dhe të kulturave të ndryshme. Ngjarja do të zhvillohet më 25 shtator në..

botuar më 20-09-25 7.42.PD
Qendra e Festivaleve dhe e Kongreseve në qytetin Varna

“Trëndafili i artë-2020” – më e reja në kinemanë bullgare....dhe klasikja “Masë sipas masës”

Do të zhvillohet edicioni i 38 i “Trëndafilit të Artë” - festivali më i vjetër dhe i vetëm tek ne për  kinema bullgare, i cili sipas traditës prezanton filmat më të rinj. Shfaqjet e filmave janë në sallat e Qendrës së Festivaleve dhe Kongreseve në..

botuar më 20-09-24 12.59.MD