Radioja Kombëtare Bullgare © 2021 Të gjitha të drejtat janë të rezervuara

Bullgarja Aneta Rinaldi në Romë: “Duhet të jemi të disiplinuar dhe të besojmë në kuptimin e ekzistencës sonë”

Foto: luxartroma.wordpress.com

Masat e rrepta të cilat u vendosën në shumicën e shteteve evropiane që të ndalohet përhapja e koronavirusit dështuan planet e qindra bullgarëve, të cilët nuk do të kthehen për festat e Pashkëve. Thirrja që të mos udhëtohet nga dhe për në Itali pranohet me dhimbje, por edhe me kuptim në këtë situatë të vështirë. Sipas Aneta Rinaldit, e cila tashmë 30 vjet banon në kryeqytetin italian, kjo është një periudhë e provave të rënda, sepse nuk do të mund të vizitojë prindërit e saj të moshuar në Sofje.

Megjithatë Aneta nuk e humb shpresën duke e ndjekur situatën, si në Romë, ashtu dhe në Sofje. Një prej sferave më interesante për Anetën është ajo e artit dhe kulturës, sepse ky është profesioni i saj – Aneta punon si dizajnere në atelie arkitekturore dhe pranë televizionit kombëtar. Ajo krenohet për punën e saj si drejtoreshë artistike e së ashtuquajturës “Galeri Bullgare” në Romë, sepse atje prezanton dhe popullarizon shembujt e artit bullgar. “Aktualisht galeria është e mbyllur, ne do të falimentojmë, por do të mbetet kontributi ynë ndaj kulturës.” – thotë Aneta Rinaldi.

“Në qoftë se kthehemi në histori, ka pasur edhe fatkeqësi të tjera të mëdha, si sëmundje, luftëra, pas të cilave ka pasur një zhvillim të madh të kulturës. Kjo flet për nevojën e madhe të njeriut për të besuar në diçka. Papa Françesku i bëri thirrje popullit italian për të mos pasur frikë por ta bëjë të domosdoshmen në këtë moment të rëndë. Duhet të jemi të disiplinuar dhe të besojmë në kuptimin e ekzistencës së njerëzimit. Kjo është fuqia e kulturës, të kemi liderë shpirtërorë dhe të jemi unikë në përpjekjet tona për të krijuar një të ardhme më të mirë. Desha t’ju tregoj për përshtypjet e mia personale mbi shoqëri dhe si bashkëpunëtore në vazhdim të shumë viteve në Radio Vatikanin. Megjithëse italianët thonë se nuk janë besimtarë, të cilët e praktikojnë aktivisht krishterimin, ata i respektojnë normat dhe vlerat fetare, të cilat u përkasin të gjithë njerëzve dhe kanë mbijetuar gjatë të gjithë këtyre shekujve. Kjo që më mahnit është dëshira e madhe e italianëve për të komunikuar, për ta ngritur nivelin e moralit nëpërmjet muzikës dhe këngëve, solidariteti i tyre. Këtë po e shoh edhe në Bullgari. Mirëpo,në Itali e gjithë kjo është shfaqje e patriotizmit të madh të italianëve. Përveç kësaj përsëri duhet të përmendim solidaritetin e tyre dhe kështu duhet shënojmë edhe një herë rolin e fesë, e cila na mëson se si të ndihmojmë njëri tjetrin dhe të jemi të mëshirshëm, zemërdhembshur. Para pak kohe në Itali filloi të flitej për “të varfrit e rinj”. Disa prej tyre janë njerëz, të cilët sapo janë diplomuar, për shembull në degën e së drejtës juridike. Është paradoks, por studentët e sapombaruar nuk do të kenë kushte për ta filluar rrugën e tyre profesionale, për shkak të falimentimeve të shumta si rrjedhojë e kësaj stuhie. Atëherë do të gjendemi para situatës reale financiare, por shoqëria italiane është e gatshme për ta ndihmuar çdonjërin në përballimin e pasojave të krizës.”

Tani shoqëria në Itali e ka përqendruar vëmendjen e vet tek mjekët, ndër të cilët ka shumë të infektuar me COVID-19 dhe dhjetëra të vdekur. Ka shumë vullnetarë, të cilët i ndihmojnë ambulancat e Ndihmës së Shpejtë. “Kishte nevojë për 300 infermiere, ndërsa vullnetaret ishin 3700. Le të mos harrojmë edhe sanitarët, të cilët gjithashtu janë në linjën e parë të luftimit të sëmundjes” – tha akoma Aneta Rinaldi. Ajo vuri në dukje se komunikon gjithnjë e më shumë me bullgarët e shpërndarë në botë. Më shumë emocionohet nga sinjalet që vijnë nga atdheu. Këshilla e saj u është drejtuar kryesisht të rinjve dhe fëmijëve – të jenë më të disiplinuar dhe të mbeten në shtëpi deri sa të kalojë rreziku i infektimit.

“Në Itali u ndërmorën masa shumë të rrepta, ka gjoba prej 4-5 mijë eurosh, kontrollohen kartat e identitetit të njerëzve që dalin jashtë, policët janë disa herë më shumë nga kalimtarët në rrugë. Atje ku ka nevojë për një kontroll më të madh ka ushtarakë. Për fat të keq kishte debate nëse në këtë mënyrë nuk kufizohet liria personale e njerëzve. Momenti nuk është i përshtatshëm për reaksione të tilla. Duhet kontroll dhe disiplinë, që të mund të dalim nga kriza sa më shpejt.”

Përgatiti në shqip: Vesella Mançeva

Më shumë nga rubrika

Bullgaria është ndër vendet që kanë arritur marrëveshje për Covid - pasaportat

Bullgaria është ndër 13 vendet - anëtare të BE-së, që arritën marrëveshje mbi 7 kritere, të cilat do të jenë të domosdoshme për aplikimin e certifikatave për të vaksinuarit kundër Covid-19, njoftojnë mediat austriake. Kriteret tashmë i janë dërguar..

botuar më 21-04-12 12.50.MD

Fillon muaji i shenjtë për myslimanët

Gjatë regjistrimit të fundit të popullsisë në Bullgari mbi 650 000 veta e kanë shënuar islamin fe të tyre. Nesër ata do ta presin muajin e shenjtë për myslimanët Ramazan. Gjatë kësaj kohe myslimanët do të agjërojnë shpirtërisht dhe..

botuar më 21-04-12 11.36.PD

Shumica e nxënësve të shkollës së mesme në Bosilegrad dëshirojnë të studiojnë në Bullgari

Pothuajse të gjithë 50 maturantët që mbarojnë shkollën e mesme në Bosilegrad dëshirojnë të vazhdojnë arsimin në një nga universitetet në Bullgari. Këtë e tregojnë rezultatet e një sondazhi të kryer ndër maturantët në të vetmen shkollë të..

botuar më 21-04-12 7.20.PD