Në qytetin Trjavna (Bullgari Qendrore Veriore) Presidenti Rumen Radev deklaroi se Bullgaria ka nevojë për një plan për dalje nga kriza e shkaktuar nga gjendja e jashtëzakonshme e shpallur për shkak të koronavirusit. Sipas Kreut të Shtetit që tani duhet të mendohet se si vendi të dalë nga gjendja e tanishme në mënyrën sa më të mirë. Në qoftë se përgatitja e një plani të tillë nuk fillon tani, ka rrezik që të ketë një valë të dytë të krizës në vend. Në Trjavna Radev vizitoi ndërmarrjen për prodhim armësh “Emko”. Udhëheqja e uzinës deklaroi se nuk kërkon ndihmë nga shteti por do që shteti të mos e vështirësojë për të eksportuar prodhimin e vet jashtë kufirit, ku është tregu i saj kryesor.