Intelligent Music Project është i krijuar para rreth 10 vjetëve. Producent dhe autor i këngëve në të gjithë 5 albumet e grupit është doktori Milen Vrabevski - sipërmarrës dhe filantrop, i njohur në Bullgari me kauzat e tij të atdhedashurisë.
Gjatë viteve në projekt kanë marrë pjesë muzikantë të njohur botërisht si Simon Philips, Joseph Wiliams, të njohur nga grupi Toto, John Payne (ex-Asia), Carl Sentance ( nga grupi Nazareth) John Lawton (ex-Uriah Heep) e të tjera.
Përpara disa ditëve Intelligent Music Project u ngjit deri në vendin e parë në rok klasifikimin grek Rock Radio 104.7, duke kaluar në rrugën e tij emra të afirmuar botëror si Deep Purple, Scorpions, Whitesnake dhe Rolling Stones - këtë e mësuam nga një bashkëpunëtor i doktorit Vrabevski. Kënga me të cilin u arrit ky sukses, quhet „Every time“. Ajo është një pjesë nga albumi i fundit i bandës „Life Motion“, ku këngëtari kryesor është frontmeni i grupit legjendar Rainbow Ronnie Romero.
Pyetjes se përse sipas tij kënga ka një sukses kaq të madh, Ronnie përgjigjet:
“Për mua përgjigja është tepër e thjeshtë-sepse “Every time” është një këngë shumë e bukur! Ka një melodi e cila tingëllon në mënyrë pak komerciale, është e strukturuar shumë mirë dhe është shumë e këndshme për t’u dëgjuar. Nga ana tjetër, dikush më tha kohët e fundit se, kam fansa të shumtë në Greqi - nuk dija fare për këtë. Kështu që, kur të mbledhim 1+1, në fund na del një këngë e suksesshme në klasifikimet!”
Mes pjesëmarrësve të tjerë në albumin e 5 të Intelligent Music Project „Life Motion“ janë përsëri Simon Philips, John Payne si dhe Richard Grisman nga grupi River Hounds. Pjesëmarrësit bullgar në projekt janë mes muzikantëve tanë më të mirë – Stojan Jankullov-Stunxhi, Sllavin Sllavçev, Biser Ivanov, Bobi Kosatkata, Ivajllo Zvezdomirov, Ivo Stefanov, Lina Nikoll dhe Samuell Eftimov.
Mësuam po kështu se gjatë muajve të ardhshëm, në qoftë se rrethanat e jashtëzakonshme lejojnë, Intelligent Music Project do të zhvillojë koncerte në Greqi.
Përgatiti në shqip: Nataniela Vasileva
Foto: arkiv
Bandoneoni është instrumenti që i jep shpirt tangos argjentinase. Në atë melodi që mbështjell jetën me pasion dhe histori. Në pamje të parë, duket si një fizarmonikë e vogël. E vërteta është se ka një trup të brendshëm akustik më të madh, është..
Fati tragjik i një prej poetëve më të talentuar bullgarë, Pejo Javorov, frymëzoi kompozitorin bullgar Ljubomir Denev për të krijuar muzikën për operën kametrale "Dhimbja ose tragjedia e Javorovit", premiera e së cilës do të shfaqet më 29 maj në..
MIA D., ose Maria Dimova, është një këngëtare e re e talentuar bullgare që ndërthur folklorin bullgar me një tingull modern. Kanë kaluar gati dy vjet nga shfaqja e eksperimentit të fundit muzikor të MIA D., por ajo nuk ka reshtur së krijuari. Këngëtarja..
Presllava Pejçeva nuk ndalet së regjistruari këngë të reja. Kënga e saj më e re “Që kur ti” tashmë është fakt. Ajo është me një tingëllim të theksuar..
Gabriela Ivanova është një këngëtare adoleshente 13-vjeçare që jeton në Dublin. Vajza e talentuar ka disa projekte të suksesshme muzikore me artistë..
Vranësira të ndryshueshme mundësi për reshje shiu
Pjesërisht me re
Vranësira të dendura