Radioja Kombëtare Bullgare © 2021 Të gjitha të drejtat janë të rezervuara

Më e rëndësishmja për Covid-situatën në vend

Afro njëmijë veta shërohen nga koronavirusi për njëzetekatër orë

Bullgaria tregon interes ndaj tri vaksinave të ardhshme

Foto: BGNES

Po vihet re një tendencë e qëndrueshme për rritjen e numrit të pacientëve të shëruar-pothuajse njëmijë për njëzetekatër orë, njoftoi në brifing ministri i shëndetësisë profesor Kostadin Angjellov. Sipas tij masat e marra kundra shpërndarjes së infektimit tregojnë se, vendi ynë me sukses e përballon kontrollin mbi Covid-19. Sëmundshmëria mesatare në këtë moment është 518 në 100 mijë veta. Në lidhje me sëmundshmërinë 14-ditore, "Bullgaria është në një nga vendet mesatare në Evropë - dje ishte në vendin e 16-të," tha ministri. Vendi ynë është në vendin e 7 për nga treguesi-vdekshmëri mbi bazë 14 ditore.

Shtretërit e zënë për pacientët me Covid në gjendje më të lehtë janë 40% dhe 23% për pacientët  e vendosur në repartet intensive, tha akoma ministri. Më shumë të hospitalizuar me Covid-19 ka në zonat Bllagoevgrad, Gabrovo, Pernik, Razgrad, Tërgovishte dhe Shumen. Rezultat pozitiv për koronavirus që nga fillimi i epidemisë kanë dhënë 3459 nëpunës mjekësor. Me Covid-19 në këtë moment janë 1802 prej tyre.

Si pasojë të riorganizimit të spitaleve gjatë javës së ardhshme në kryeqytet do të jenë në dispozicion 3000 shtretër për pacientë në një gjendje më të lehtë dhe 400 për ata të cilët kanë nevojë për shërim intensiv, tha drejtori i spitalit “Pirogov” profesori Asen Balltov.

Asen Balltov

Të gjitha shkollat, në të cilat nxënësit e sëmurë nga koronavirusi arrijnë 15%, detyrimisht do të kalojnë në mësim në distancë. Shtabet e rretheve dhe e komunave po kështu do të mund të marrin vendim për mësime në mjedis elektronik, por gjithsesi fjalën e fundit do ta ketë ministri i arsimit, u bë e qartë në brifing. Kohëzgjatja e të ashtuquajturve korridore për të bërë pazar në dyqanet ushqimore dhe në farmacitë do të zgjatet, në qoftë se ka një grumbullim të njerëzve, saktësoi profesori Kostadin Angjellov.

Për javën e parë ekziston njëfarë mbajtjeje në numrin e PCR-testeve pozitive, informon inspektori shëndetësor shtetëror docenti Angell Kunçev, i cili e përcakton lajmin si optimist.

Angell Kunçev

Tani për tani spitalet disponojnë me të gjitha medikamentet e domosdoshme për shërimin e infektimit të koronavirusit. Vetëm dje janë marrë 4300 shishe remdesivir.

Qendra Koordinuese Covid në Spitalin e Sëmundjeve Infektive në kryeqytet do të mbyllet, njoftoi drejtori i Ndihmës së Shpejtë doktori Georgi Gelev . Shkaku është se, pasi u ndërtuan pikat e lëvizshme përpara spitaleve, pacientët të cilët kanë nevojë për shërim vet drejtohen drejt spitaleve. Koordinimin në të ardhme do ta marrë përsipër Qendra për ndihmë urgjente, e cila do të lidhet me spitalet përkatëse përmes radio stacioneve.

Georgi Gelev

Bullgaria ka treguar interes ndaj tre nga gjashtë vaksinat e koronavirusit që janë duke u zhvilluar në këtë moment, tha ministri i shëndetësisë. Një prani të garantuar deri tek vaksina do të kenë njerëzit në moshë mbi 65 vjeç, të sëmurët kronik dhe ata të cilët punojnë në vijë të parë. Vaksina do të jetë falas, do të vihet me dëshirë të qytetarëve dhe nuk do të hyjë në kalendarin e imunizimeve.

Pjesëmarrësit në brifing paralajmëruan  që njerëzit të mos blejnë preparate, për të cilat kanë lexuar në internet se shërojnë koronavirusin. “Azitromicini dhe kushdo qoftë antibiotik tjetër nuk e shëron Covid-19. Nisja e antibiotikut pa shkak çon deri në pasoja të rënda”, paralajmëroi ministri Angjellov.

Atanas Mangërov

“Gjëja më e mirë është se vendi nuk u mbyll dhe tani për tani nuk ka shkaqe që kjo të ndodhë”, komenton në radhë të vet shefi i ri i repartit të covidit në Spitalin e Sëmundjeve Infektive docenti Atanas Mangërov.

Përgatiti në shqip: Nataniela Vasileva

Foto: BGNES

Më shumë nga rubrika

2.8% e shpenzimeve për shëndet në Bullgari përdoren për profilaksi

Gjatë vitit 2018 shpenzimet mesatare shtetërore dhe private për profilaksi në BE janë 2.8% e të gjitha shpenzimeve për shëndet. Në bullgari treguesi është sa është niveli mesatar për BE-në – 2.8%, transmetoi BTA. Kjo përqindje është më e lartë në..

botuar më 21-01-18 4.49.MD

A kanë të ardhme blloqet e panelit në Bullgari?

Lagja Trakia në qytetin Plovdiv, komplekset Ljulin, Mlladost, Druzhba, Tollstoj dhe shumë të tjera në Sofje - e përbashkëta midis tyre është se banuesit e tyre banojnë kryesisht në ndërtesa të parafabrikuara, një simbol i urbanizimit në vendet  e kampit..

botuar më 21-01-18 12.27.MD

2 mln. bullgarë e kanë kaluar koronavirusin

Deri në muajin qershor vendi ynë duhet të marrë 1.5 mln. doza prej vaksinave kundër koronavirusit të “Pfizer”, “BioNtech” dhe “Moderna” dhe ato do të mjaftonë për 750 mijë veta, tha para televizionit bTV doc. Svetllana Velizarova, udhëheqëse e..

botuar më 21-01-17 9.51.PD