Spitali “Pirogov” është një nga institucionet mjekësore ku imunizimi kundër Covid-19 do të fillojë më 27 dhjetor, tha para bTV drejtori i tij Prof. Asen Balltov. “Pirogov” tashmë ka një frigorifer që ruan një temperaturë nga -70 gradë, e cila është e nevojshme për vaksinat e para të pritshme. Do të hapet gjithashtu një kabinet 24-orësh për njerëzit me reaksione të mundshme alergjike pas vaksinimit.

Numri i rasteve të reja të koronavirusit dhe vdekshmërisë në vendin tonë nuk po ulet me ritmin e pritur pas vendosjes së masave të reja antiepidemike, sepse ekziston një sëmundshmëri e fshehur, shpjegoi Prof. Balltov. Ai shtoi se shumë njerëz të infektuar preferojnë të mos testohen, kështu që ata nuk bien në karantinë me të afërmit e tyre.