Nënkryetari i Asamblesë Parlamentare të Organizatës për Sigurinë dhe Bashkëpunimin në Evropë - OSBE Kristian Vigenin do të drejtojë misionin vëzhgues në zgjedhjet parlamentare në Kazakistan. Shqipëria, si Kryetare e Përgjithshme e OSBE-së për vitin 2020, ka emëruar Vigenin si Koordinator Special i OSBE-së për zgjedhjet në Kazakistan që do të mbahen në 10 janar 2021.

Kristian Vigenin, i cili është gjithashtu nënkryetar i parlamentit bullgar, do të koordinojë punën e vëzhguesve ndërkombëtarë në ditën e zgjedhjeve. Ai më pas do të paraqesë në kryeqytetin Nur Sultan vlerësimin e parë për demokracinë e zgjedhjeve, njoftoi BTA.